اسلام آباد (نیوز ڈیسک) مورخہ 26 فروری 2021 کو پاکستان کونسل آف سائینٹفک اینڈ انڈسٹریل ریسرچ نے اشتہار جاری کیا، جس میں انہوں نے ہیمپ یعنی بہہنگ کے بارے چلانے والے پروگرام کے بارے میں آگاہ کیا۔
تفصیلات کے مطابق، وزرات سائنس و ٹیکنالوجی اور پاکستان کونسل آف سائینٹفک اینڈ انڈسٹریل ریسرچ (پی سی ایس آئی آر) نے مل کر ایک نیا پروگرام لانچ کیا ہے، جس کا نام ہے “ہییمپ ویلیو چین ڈویلپمنٹ پروگرام”، جس کے حصول کے لئے انہیں اشتراکی بنیادوں پر حصہ دار چاہیئے۔
یہ بتایا گیا ہے کہ اس پروگرام کو صنعتی، طبعی اور دوسرے سائنسی معاملات کے لئے استعمال کیا جائے گا۔ اس پروگرام میں حصہ لینے والے کی ذمہ داری ہوگی کہ وہ اس کو کاشت کریں اور صاف ستھرا کرکے اسے پی سی ایس آئی آر کو دے۔
جبکہ دوسری طرف اس پر وفاقی وزیر سائنس و ٹیکنالوجی چوہدری فواد حسین کا کہنا ہے کہ اس پروگرام سے پاکستان 30 بلین ڈالر کی بین الاقوامی انڈسٹری میں داخل ہوجائے گا، جو کہ پاکستان کے لئے بہت خوش آئین بات ہے۔
اس کے ساتھ ہی وزیراعظم پاکستان کے مشیر برائے غیر ملکی پاکستای ذولفقار بخاری نے چوہدری فواد کو شاباش دیتے ہوئے کہا کہ وہ ہمیشہ ترقی پسند اور جدت پسند میں سر فہرست رہتے ہے۔
