لنڈے سے کپڑے خریدنے سے پہلے ایک بار یہ ضرور دیکھ لیں۔۔

اللہ تعالیٰ اپنے پیغمبر سے مخاطب ہو کر فرماتے ہیں: “اے چادر اوڑھنے والے! کھڑے ہو جائیے، لوگوں کو ڈرائیے اللہ سے۔

 

 

اپنے رب کی کبریائی بیان کیجیے۔ رب کی کبریائی اگر بیان کرنی ہے تو تمہارا لباس پاک ہونا چاہیے۔ آپ ان بتوں سے بھی دور ہو جائیے اور اس طرح کی آلائشوں سے بھی بچیے۔

 

 

حضرت جابر سے روایت ہے: ایک شخص کے بال بکھرے ہوئے تھے، اس کے گھر میں پانی بھی نہیں کہ بال ہی سیدھے کر لے اور ایک آدمی جس کے کپڑے میلے تھے تو کیا اُس کے گھر میں پانی نہیں ہے کہ کپڑے دھو لے۔

 

 

ان تمام باتوں سے مراد اپنے آپ کو پاک صاف رکھنا ہے صفائی نصف ایمان ہے۔ دین اسلام میں طہارت و پاکیزگی کی بہت اہمیت ہے۔ اس لئے کوئی بھی چیز خود استعمال کرنے سے پہلے اس کو اچھی طرح دھو کر استعمال کریں۔ تاکہ اس کی پاکی اور ناپاکی کو لے کر آپ کسی کشمکش میں مبتلا نہ ہوں۔

 

 

ہمارے ہاں سردیوں میں استعمال شدہ کپڑے (لنڈے کے کپڑے) خریدے جاتے ہیں جو کہ کسی بیرون ملک سے خریدے جاتے ہیں، وہ استعمال شدہ کپڑے پہنتے ہوئے ہمیں سوچنا چاہیے کہ ایسے کپڑے پہن کر ہم نماز کیسے ادا کریں گے، اس لئے ایسے کپڑوں کو استعمال سے پہلے اچھے سے دھونا لازمی چاہیے۔ اور پھر استعمال کرنا چاہیے۔