بچوں کا آن لائن کاروبار، بے اولاد جوڑوں نے نیا کام شروع کر دیا

معاوضے کے عوض بچوں کی پیدائش کاروبار بن گئی ہے، یوکرین “آن لائن بے بی سٹور” بن گیا ہے، عورتیں معاوضہ لے کر سروگیٹ مدریعنی کرائے کی مائیں بنتی ہیں۔

 

 

بچے کی پیدائش بے اولاد جوڑوں کے لئے ہوتی ہے۔ دُنیا بھر سے لوگ یوکرین کی خواتین سے رابطہ کرتے ہیں۔ جہاں ہر سال ‘سروگیٹ مدرز’ 3 ہزار بچوں کو جنم دیتی ہیں۔

 

 

ان خواتین کو بعض اوقات فراڈ کا سامنا کرنا پڑتا ہے۔ پیدائش کے بعد بچوں سے جنیاتی رشتہ ثابت نہیں ہوا۔ یوکرین ایسی خبروں کی وجہ سے بدنام بھی ہورہا ہے۔ ایک بچے کی پیدائش پر 42 ہزار ڈالر تک خرچ آتا ہے۔ کئی ملکوں میں اس کام کو جائز کاروبار تسلیم کرلیا گیا ہے۔

 

 

اس سلسلے میں ایک سروگیٹ مدر سے بات کی گئی تو اُس نے بتایا کہ میں نہیں سمجھتی کہ ہمارا فائدہ اُٹھایا جاتا ہے، ہمیں اس کام کے لئے کوئی مجبور نہیں کرتا بلکہ ہم خود ایسے اپنا روز گار تلاش کرتے ہیں کیونکہ اس کاروبار میں سخت مقابلہ ہے۔ لوگ مالی مشکلات کی وجہ سے یہ کام کرتے ہیں۔ ہم معاوضے کے لئے اپنے وقت اور کوکھ کا سودا کرتے ہیں۔

 

 

ایک اور خاتون نے بتایا کہ مجھے اس بات کی خوشی ہے کہ میں بچوں کو زندگی دیتی ہوں، ان کے والدین ان سے زندگی بھر پیار کریں گے۔