حکومت آخر کامیاب ہو ہی گئی، پی ڈی ایم میں بڑی دراڑ پڑ گئی۔
اسلام آباد (نیوز ڈیسک) مورخہ 12 مارچ 2021 کو پاکستان کے اعوان بالا سینیٹ کے چئیرمین کے الیکشن ہوئے، جس میں یوسف رضاگیلانی پی ڈی ایم کی طرف سے اور صادق سنجرانی حکومت اور ان کے حامیوں کے طرف سے ایک دوسرے کے مد مقابل تھے۔
مگر ہوا کچھ یوں کے حکومت نے 7 نمبر کی ایسی چال چلی کہ یوسف رضا گیلانی کے حق میں پڑے 7 ووٹ ضائع ہوگئے اور چئیرمین سینٹ پھر سے صادق سنجرانی منتخب ہوگئے۔
اس ساری صورت حال کے بعد، پی ڈی ایم میں معاملات گربڑ ہوتے نظر آئے۔ پاکستان مسلم لیگ نواز کے اہم رکن طلال چوہدری نے سماجی رابطہ کی ویب سائٹ ٹوئٹر پر ایک پیغام جاری کیا۔
پیغام میں طلال چوہدری نے پیپلز پارٹی کے چئیرمین سے مخاطب ہوتے ہوئے کہا کہ “بلاول بھٹو صاحب! نیوٹرل کا مزہ آیا”۔
جس پر جواب دیتے ہوئے بلاول بھٹو نے پریس کانفرنس میں ادلے کا بدلا لیا اور کہا کہ یہ کوئی “تنظیم سازی” نہیں ہے۔
آپ کو بتاتے چلے کہ پچھلے سال طلال چوہدری ایک خاتون کے گھر گئے تھے اور پھر وہاں پکڑے گئے تو انہوں نے بتایا کہ وہ “تنظیم سازی کی غرض” سے آئے تھے۔
اس وجہ سے بلاول بھٹو نے کہا کہ یہ کوئی تنظیم سازی نہیں بلکہ جمہوری جدوجہد ہے۔