“پولیس گردی بند کرو” اساتذہ کا احتجاج طول پکڑ گیا، حکومت سر پکڑ کر بیٹھ گئی۔

اعتماد نیوز: مورخہ 25 مارچ 2021 کو سماجی رابطہ کی ویب سائٹ پر ایک ٹرینڈ سب سے اوپر چل رہا تھا، جس کا عنوان تھا کہ پولیس گردی بند کرو۔

 

 

اس رجحان کا معائنہ کیا جائے تو پتہ چلتا ہے کہ اساتذہ اکرام اور ان سے منسلک مختلف عہدیداران دراصل اپنے حقوق کے لئے در بدر گھوم رہے ہیں اور آخر کار انہوں نے درھرنا اور احتجاج کا فیصلہ کیا ہے۔

 

 

اسی تناظر میں ایپکا کی یونین بھی سراپا احتجاج ہے کیونکہ وہ حکومت سے الاؤنس مانگ رہے ہیں جو وفاق نے اپنے ملازمین کو دیا ہے، جس سے بنیادی تنخواہ کا 25 فصید الاؤنس دیا جائے گا۔

 

 

اس طرح لوگ پنجاب سول سیکریٹریٹ کے باہر پچھلے کچھ دنوں سے دھرنا دے کر بیٹھے تھے تاکہ وہ اپنے حقوق حاصل کر سکے مگر حکومت نے صاف انکار کر دیا ہے کہ وہ اس حالت میں نہیں ہے کہ اس وقت تںخواہوں میں اضافہ کیا جائے بلکہ وہ آنے والے بجٹ میں اس اضافہ کے بارے میں سوچینگے۔

 

 

دوسری طرف اساتذہ اور اے ای اوز کا مطالبہ ہے کہ ان کو فوری طور پر ریگولر کیا جائے، جس پر حکومت کی طرف سے واضح طور پر کوئی حکم نامہ نہیں جاری نہیں کیا جارہا۔

 

 

تاہم حکومت نے پولیس کا استعمال کرتے ہوئے مظاہرین تتر بتر کیا، جس کے بعد، سماجی رابطہ کی ویب سائٹ پر یہ مقولہ عام چل رہا ہے کہ پولیس گردی نہیں چلی گی۔

 

 

حکومت کو چاہئے کہ وہ اساتذہ اکرام جو کہ قوم کے معمار ہوتے ہیں ان کے ساتھ خوش اسلوبی سے پیش آنا چاہئے اور مطالبوں کو احسن طریقے سے حل کرنا چاہئے بجائے اس کے انہیں بھیڑ بکریوں کی طرح روندا جائے۔