نماز کے دوران ہونے والے وسوسوں کا علاج اور ہوا خارج ہونے سے نماز کا ٹوٹنا۔۔

نماز میں وسوسے دو طرح کے آتے ہیں ایک تو طہارت سے متعلق کہ کہیں ہوا تو خارج نہیں ہوئی یا پیشاپ کا قطرہ تو نہیں نکلا ایسے وسوسوں کے بارے میں صحیح کی حدیث ہے کہ جب تک آپ کو 100 فیصد یقین نہ ہو کہ ایسا ہوا ہے اور آپ کا وضو ٹوٹ گیا ہے تب تک نماز نہیں توڑی جائے گی۔

 

 

ایسے معاملے میں جب کہ آپ کو یقین ہی نہیں ایسا ہوا ہے تو آپ کا وضو بھی نہیں ٹوٹا اور نماز سے متعلق بھی کوئی فکر کی بات نہیں۔

 

 

دوسرا مسئلہ تجوید کا ہوتا ہے۔ لفظوں کے تلفظ کی ادائیگی سے متعلق تو ایسی صورت میں نماز کو جلد مکمل کر لینا چاہیے۔

 

 

کچھ لوگوں کے مطابق ان کی نمازیں اور سجدے بے کار ہیں جن میں اُن کا دل نہیں لگتا اور وسوسے بڑھتے جاتے ہیں۔ تو ایسے ہی ایک شخص نے کسی عالم سے بولا کہ میری نمازیں سجدے سب بے کار ہیں انہوں نے جواباً پوچھا کہ کیا تم ایسے بے کار سجدے مجھے کر سکتے ہو؟ وہ شخص بولا ایسا تو ممکن نہیں، تو بولے ایسا سجدہ جس کی توفیق آپ کو اللہ نے دی وہ بے کار کیسے ہو سکتا ہے؟

 

 

ایسی چیزوں میں وہم نہیں کرنا چاہیے، کیونکہ نماز چاہے وسوسوں والی ہو یا نہ ہو عبادت تو اللہ کی ہے نیت اللہ کے لئے ہے۔ اس لئے اس کو قبول کرنا اس کا اجر دینا اللہ کا کام ہے۔ شیطان کا کام ہی انسان کو راہ راست سے بھٹکانا ہے اور وہ یہ کام تا قیامت کرتا رہے گا۔ نماز کے سلسلے میں خیالات کا آنا فطری عمل ہے جس کو نماز کی یکسوئی ہی کم کر سکتی ہے۔ لیکن یہ کوئی گناہ نہیں ہے کوشش جاری رکھنی چاہیے کامیابی اللہ تعالیٰ دیں گے۔