اعتماد نیوز، لاہور: 3 اپریل کو مسلم لیگ نواز کی نائب صدر مریم صفدر نے حکومت کی توجہ اہم مسئلہ کی طرف کروائی۔
تفصیلات کے مطابق، انہوں نے ایک تصویر شئیر کی، جس نوجوان لڑکے اپنے ہاتھوں کو پیچھے باندھے ہوئے ہیں اور منہ پر سیاہ پٹیاں لپیٹ کر گورنر ہاؤس کی دیوار کے ساتھ بیٹھے ہیں۔
اس پر تبصرہ کرتے ہوئے، مریم نواز کا کہنا تھا کہ جس گورنر ہاؤس کو حکومت نے یونیورسٹی بنانا تھا اس گورنر ہاؤس کی دیوار کے ساتھ نوجوان کھڑے ہوکر اپنا حق مانگ رہے ہیں، جبکہ ان کے شنوائی تک نہیں ہورہی، حق دینا تو دُور کی بات ہے۔
مریم کا کہنا تھا کہ یہ سابقہ فاٹا کے نواجوانوں کو مسلم لیگ نواز نے قلم دیا، جس سے ان کو شعور ملا اور انہیں بھی احساس ہوا کہ وہ بھی پاکستان کا حصہ ہے۔ جبکہ وہ اب دربدر اپنا حق لینے کے لئے خوار ہو رہے ہیں اور حکوت خواب خرگوش میں سُورہی ہے۔
انہوں نے مزید سوالیہ انداز میں پوچھا کہ حکومت ان کا احساس محرومی کیوں بڑھا رہی ہے؟
