پاکستانی ایک شخص نے اپنے گھر کی چھت پر ایسا کام کر دکھایا کہ سب حیران

پنجاب میں موجود ایک شہری نے اپنے گھر کی چھت پر سبزیاں اُگا کر سب کو حیران کر دیا اس حوالے سے بات کرتے ہوئے انہوں نے بتایا کہ میں سب سے پہلے ہمارے گھر کے کچن سے نکلنے والے کوڑے کو استعمال میں لا کر لائٹ ویٹ مٹی بنائی۔

 

 

جیسے کے پھلوں اور سبزیوں کے چھلکے ان کو ڈی کمپوزڈ کرکے لائٹ ویٹ مٹی بنائی۔ لائٹ ویٹ مٹی کی مختلف قسمیں بنائیں۔ جیسے کہ مرغیوں کا ویسٹ اور بھورا تھوڑی سی مٹی میں شامل کر کے لائٹ ویٹ مٹی تیار کی۔ ایک پلاسٹک کے پائپ کو ہیٹ گن سے مولڈ کر کے چھوٹے چھوٹے پودے لگائے جس سے جگہ کی بچت ہوتی ہے۔

 

 

اس طرح مختلف قسم کے ویسٹ کا استعمال کر کے انہوں نے سٹرابری، پودینہ ، ڈریگن فوڈ، بینگن، دھنیہ ، سونف اور زعفران ، پالک اور ساگ، لیمن گراس وغیرہ کے پودے لگائے ہیں۔ مختلف قسم کے ڈیکوریشن فلاور کی بیلیں بھی شامل ہیں۔

 

 

شہری کے مطابق اس لائٹ ویٹ مٹی میں ہر طرح کی سبزی اور پھل کاشت کئے جا سکتے ہیں۔ مرغیوں کا تمام ویسٹ وہ چھت پر رکھ کر پانی لگاتے ہیں اور تھوڑا ہلا دیتے ہیں جس سے مکھیاں اس ویسٹ پر آ کر لاوہ اور انڈے دیتی ہیں۔ اور پھر اس سرکل کو مکمل کرنے کے لئے وہ مرغیوں کو چھوڑ دیتے ہیں جو اس سے ہائی پروٹین کھانا لیتی ہیں اس طرح مرغیاں میں زیادہ صحت مند ہو جاتی ہیں۔

 

 

چھت پر انھوں نے سبزیاں اگانے کے لئے چھت کو واٹر پروف کیاگیا ہے۔ کچھ پودوں کے لئے مسلسل پانی کی ضرورت ہوتی ہے تو اس کے لئے پورا انتظام کیا گیا ہے ۔ چھت پر دو گرین ہاؤس بنائے گئے ہیں۔ جس میں ایگزاسٹ فین لگائے گئے ہیں۔ جو ہیٹ زیادہ نہیں ہونے دیتے۔

 

 

مشروم کا گرین ہاؤس بھی بنایا گیا ہے جہاں پلاسٹک بیگز میں مشروم اُگائی جا رہی ہے۔8/20 کی جگہ میں 500 بیگز ہیں۔ اور اونچائی 9 فٹ ہے۔چھوٹا مرغی خانہ بھی بنایا گیا ہے جہاں مرغیوں کی ویکسین بھی کی جاتی ہے۔ اس طرح سے یہ ماہانہ 3 لاکھ تک کما رہے ہیں۔