اگر آپ نماز کے دوران بھول جائیں کہ کون سی رکعت پڑھ رہے ہیں تو یہ کام کریں

مفتی طارق مسعود نے نماز میں رکعت بھول جانے کے متعلق بتایا کہ اگر نماز میں رکعت بھول جائیں تو پہلے تو دماغ پر زور ڈالیں اور جس طرف ذہن کا جھکاؤ ہو اُس طرف عمل کریں۔ تیسری رکعت کی طرف ذہن جا رہا ہے تو تیسری ہے اور اگر چوتھی کی طرف جا رہا ہے تو چوتھی پڑھی جائے گی۔

اگر بالکل ہی سمجھ نہ آئے تو پھر رکعت کی تعداد کم سمجھی جائے گی۔ اگر آپ کو شک ہو گا کہ تیسری یا چوتھی ہے تو پھر تین رکعت سمجھی جائیں گی اس رکعت میں آپ نے اتحیات کے بعد دوبارہ کھڑے ہوجانا ہے اور آخری رکعت ادا کرکے سجدہ سہو کر لیں اس طرح نماز مکمل ہو جائے گی۔