غیر مسلم کے لیے صحت اور خوشحالی کی دعا کرنا کیسا ہے۔۔ اسلام میں اس کا کیا حکم ہے

مفتی طارق مسعود سے سوال کیا گیا کہ کسی ہوٹل میں جہاں شراب بکتی ہو وہاں ملازمت حلال ہے؟

 

 

مفتی طارق مسعود نے بتایا ایسا ہوٹل جس میں شراب بکتی ہو اس ہوٹل میں اگر آپ ملازمت کرتے ہیں اور آپ کا کام وہاں شراب بنا کر دینا نہیں ہے تو پھر آپ کی نوکری کا کام جائز ہے۔ آپ خود بھی شراب نہیں دے سکتے اور نہ ہی کسی کے ذریعے شرا ب دلوا سکتے ہیں۔

 

 

دوسرا سوال غیر مسلم کے لئے ہدایت کی دعا مانگنا کیسا ہے؟ کہ اس کو اللہ ہدایت دے اور یہ اسلام کو قبول کرے۔ کیا غیر مسلم کے لئے صحت مال کی دعا مانگ سکتے ہیں؟

 

 

غیرمسلم کے لئے اس کی زندگی میں صحت، مال اور ہدایت کی دعا کی جا سکتی ہے لیکن مرنے کے بعد نہیں آپ اس کے لئے مغفرت کی دعا بھی نہیں کر سکتے اور رحم کی بھی نہیں کرسکتے بس اس کے لواحقین سے تعزیت کر سکتے ہیں۔ اللہ اس پر رحم کرے یا میت کی مغفرت کرے ایسی کوئی دعا جائز نہیں۔ کیونکہ موت نے اس بات پر مہر لگا دی کے یہ اللہ کا باغی ہو کر دنیا سے گیا ہے۔ زندگی میں تو امید کی جا سکتی تھی کہ اسلام کی ہدایت مل جائے لیکن موت کے بعد ایسی کوئی چیز باقی نہیں رہتی۔

 

 

حضرت ابراہیم ؑ کے والد آتش پرست تھے ان کی وفات کے بعد اللہ تعالیٰ نے حضرت ابراہیمؑ کو بھی ان کی مغفرت کی دعا مانگنے سے روک دیا تھا۔ تو اسلام میں یہ واضح ہے کہ غیر مسلم کے لئے مرنے کے بعد دعا نہیں کی جا سکتی ہے۔

 

 

تیسرا سوال عورت اپنے والدین کی قبر پر جا سکتی ہےِ؟
مفتی صاحب نے بتایا کہ عورت کے قبرستان جانے کے عمل کو مکروہ اور ناپسندیدہ کہا گیا ہے اس لئے اگر ایک یا دو مرتبہ جانا ہو تو مکمل پردے میں جائے اور رونا دھونا نہ ہو۔ لیکن اس عمل کو عادت نہیں بنانا چاہیے۔