اداکار شان بھی عمران خان کے حق میں ڈٹ گئے، جانئے تفصیلات

اعتماد نیوز، لاہور: پاکستان کے مشہور بین الاقوامی شہرت یافتہ اداکار شان شاہد بھی وزیراعظم عمران خان کے حق میں کھڑے ہوگئے۔

 

 

شان شاہد نے سماجی رابطہ کی ویب سائٹ پر 2 خبریں شئیر کی اور ساتھ لکھا کہ عمران خان، وہ لوگ جو سیدھے راستے پر چلتے ہیں، اکثر وہ اپنے آپ کو تہنا پاتے ہیں لیکن اللہ تعالی ہمیشہ ان کے ساتھ ہوتا ہے، ان کی رہنمائی کرتا ہے اور ان کی حفاظت کرتا ہے۔

 

 

اگر تصاویر کی بات کی جائے تو پہلی تصویر ایک پریس کلپنگ ہے، جس پر لکھا ہے کہ پاکستان کی سب سے بڑی پودے لگانے کی مہم، 10 بلین ٹری۔ جبکہ دوسری تصویر بھی پریس کلپنگ ہے، جس پر لکھا تھا کہ امریکہ کے صدر نے دُنیا کے 40 حکمرانوں کو 2 دن کے لئے موسمی حالات پر بات کرنے کے لئے بُلایا ہے، لیکن اس میں پاکستان کو نہیں بُلایا گیا۔

 

 

آپ کو بتاتے چلے چند دن پہلے یہ خبر سامنے آئی کہ امریکہ موسمی حالات میں تبدیلی پر بات کرنے کے لئے 2 دن کا سمٹ اس ماہ کے آخر میں منعقد کر رہا ہے، جس میں 40 ملکوں کے سربراہوں کو بُلایا گیا ہے۔

 

 

جبکہ پاکستان کی اتنی بڑی پودے لگانے کی مہم کے باوجود بھی نہیں بلایا گیا، حالانکہ اس سے پہلے برطانیہ کے پارلیمنٹ میں پاکستان کی اسم مہم کو بہت سراہا گیا تھا۔