بعض لوگوں کے مطابق دعوت اسلامی چند سال تک سیاست کا حصہ بن جائے گی اس بات کا جواب الیاس قادری صاحب نے اس طرح واضح کیا کہ بنفس نفیس سیاست خود میں کوئی بُری چیز نہیں ہے لیکن آج کے حالات میں سیاست ایک بہت برُا شعبہ ثابت ہورہی ہے۔
پہلے پہل عوام پر صرف پتھر اور لاٹھی چارج کیا جاتا تھا لیکن آہستہ آہستہ اس انداز کو تبدیل کر کے اب لوگوں پر گولیاں چلائی جاتی ہیں۔ اور کسی بھی غیر متعلق شخص کو سیاست میں قدم بھی جمانے نہیں دیے جاتے، سیاست اور حکومت چند خاندانوں کی وراثت بن کر رہ گئی ہے۔
مولانا کے مطابق آج کے دور میں سیاست کی کمپین چلانا بھی کسی کے بس کی بات نہیں ہاں اگر کوئی خلفائے راشیدین کے دور اقتدار جیسی سیاست ہوئی تو دعوت اسلامی ضرور اس میں شامل ہو گی۔ بغیر گناہ کے آج کے دور میں سیاست ممکن نہیں۔
مولانا نے بتایا کہ ہماری جماعت میں شامل لوگ غیر سیاسی ذہن کے حامل ہیں۔ ان کی سیاست میں کوئی دلچسپی نہیں ہے۔ انھوں نے اپنی جماعت کے سربراہ کو کہا کہ اگر دعوت اسلامی کی جماعت کو کبھی توڑنا ہو تو بس یہ اعلان کر دینا کہ ہم سیاست میں آرہے ہیں۔ خود ہی گھر پہنچ جاؤ گے۔ انھوں نے بتایا کہ دعوت اسلامی کی پالیسی میں شامل ہے کہ اس کے حامل افراد یا یہ جماعت کبھی بھی سیاست میں نہیں آئے گی انشاءاللہ
