کراچی میں لاک ڈاؤن کے دوران بڑے کارنامے ہونے لگے، پولیس کی دوڑیں

لاک ڈاؤن کے دوران کراچی کے سخی حسن علاقے کے قریب نجی بینک کی برانچ میں ہفتے کے رات چار مشتبہ لوگوں نے لگ بھگ تین درجن لاکرز کو توڑ دیا اور لاکھوں روپے مالیت کا سامان لے کر فرار ہوگئے۔

 

 

سینئر سپرنٹنڈنٹ پولیس (ایس پی پی) سنٹرل ملک مرتضیٰ نے بتایا کہ ڈاکو شام 9 بجے کے قریب بینک میں داخل ہوئے اور اتوار کی صبح 5 بجے بینک سے نکلے۔ انہوں نے مزید کہا کہ برانچ کے اندر 8 گھنٹے طویل قیام کے دوران انہوں نے 34 لاکروں کو توڑا۔

 

 

بینک کا ایک سیکیورٹی گارڈ اپنے دوست کے ساتھ کھانا کھانے کے لئے نکلا تھا، جب وہ کھانا کھانے کے بعد واپس آیا اور اس نے بینک کا دروازہ کھولا تو انہوں نے اسے اپنے ساتھ لے جانے پر مجبور کیا اور اسے اور دیگر محافظوں کو یرغمال بنا لیا۔

 

 

انہوں نے بتایا کہ جس طرح سے وہ سب کر رہے تھے اس سے ظاہر ہوتا تھا کہ ان کو اندر کی ساری معلومات پہلے سے تھیں۔

 

 

ایس ایس پی ملک مرتضیٰ نے بتایا، “وہ اپنے ساتھ گیس کا کٹر اور دو سلنڈر لے کر آئے تھے۔” انہوں نے بینک کا ڈیجیٹل ویڈیو ریکارڈر (ڈی وی آر) بھی لے لیا۔

 

 

ادھر پولیس نے دو سکیورٹی گارڈز کو تحویل میں لے لیا ہے اور ان سے پوچھ گچھ کررہی ہے۔

 

ایک ماہ سے بھی کم عرصے میں بندرگاہی شہر میں یہ دوسرا بینک کا معاملہ ہے۔