فواد چوہدری پھر سے اپنی پرانی جگہ پر آنے کو تیار، تفصیلات سامنے آگئیں

ذرائع کے حوالے سے بتایا کہ فواد چوہدری کو وزارت اطلاعات کا قلمدان واپس ملنے کا امکان ہے کیونکہ آئندہ ہفتے وفاقی کابینہ میں ایک بار پھر ردوبدل ہوگا۔

 

 

ذرائع نے بتایا کہ فواد چوہدری جو اس وقت سائنس اور ٹکنالوجی کے وزیر کی حیثیت سے خدمات انجام دے رہے ہیں کو وزارت اطلاعات کا ایک اضافی پورٹ فولیو دینے کا امکان ہے۔

 

 

حتمی فیصلہ وزیر اعظم عمران خان کریں گے۔

 

مزید کہنا ہے کہ وزیر اعظم عمران خان کئی دیگر وفاقی وزرا کے قلمدانوں میں بھی ردوبدل کریں گے

 

 

شبلی فراز جو پہلے وزیر اطلاعات کی حیثیت سے خدمات انجام دے رہے تھے، نے خیبر پختونخوا سے دوبارہ سینیٹر بننے کے بعد حلف نہیں اٹھایا۔

 

 

مارچ 2021 میں آخری کابینہ میں ردوبدل کے دوران پاکستان تحریک انصاف (پی ٹی آئی) کی حکومت نے حفیظ شیخ کو وزیر خزانہ کے عہدے سے ہٹادیا۔ مشیر خزانہ عبدالحفیظ شیخ کو دسمبر 2020 میں وزیر خزانہ بنا دیا گیا۔

 

 

حماد اظہر کو وزارت خزانہ کا ایک اضافی پورٹ فولیو دیا گیا تھا۔

 

 

اس سے قبل یہ بات سامنے آئی تھی کہ سابق وزیر اطلاعات شبلی فراز کو وزارت پٹرولیم کا قلمدان دیا جائے گا جبکہ وزارت اطلاعات کو دو حصوں میں الگ کردیا جائے گا۔