حکومت پنجاب کے پی ایم ڈے اے نے پنجاب کے تمام ڈپٹی کمیشنرز کو موسم کے بارے میں ہونے والی تبدیلی کے بارے میں آگاہ کرنے کے لئے محکمہ موسمیات کی اطلاعات پر مبنی مراسلہ مورخہ 13 اپریل کو بھیجا۔
تفصیلا ت کے مطابق، محکمہ موسمیات نے رمضان کے آغاز سے ہی موسم میں تبدیلی کے بارے میں پیشن گوئی کر دی ہے، جس کے تحت، یہ بارشوں کا سلسلہ بدھ کی رات سے لے کر ہفتہ تک جاری رہے گا۔
اس طرح طوفانی بارش کے ساتھ ساتھ ژالہ باری بھی راولپنڈی، اٹک، چکوال میں بدھ سے ہفتہ تک متوقع ہیں۔
جبکہ طوفانی بارش اور ژالہ باری جہلم، سرگودھا، بکھر، خوشاب، میانوالی، گجرانوالہ، گجرات، حافظ آباد، منڈی بہاؤالدین، نارووال، سیالکوٹ، لاہور، قصور، فیصل آباد، ڈیرہ غازی خان، ملتان، بہاولپور، بہاولنگر، رحیم یار خان اور جھنگ میں بدھ کی رات سے ہفتہ تک متوقع ہیں۔
اس تناظر مین متعلقہ انتظامیہ کو ہدایت جاری کی گئی ہے کہ وہ اس پیشن گوئی کو لے کر اپنی تیاریاں مکمل کر کے رکھے تاکہ کسی بھی غیر معمولی صورتحال سے بروقت نمٹا جائے۔
