پنجاب والوں کے لیے خوشخبری، عمران خان نے وعدہ پورا کر دیا۔۔

وزیر اعظم عمران خان نے بدھ کے روز سرگودھا میں نیا پاکستان ہاؤسنگ پروگرام کے تحت ایک کم لاگت ہاؤسنگ منصوبے کی سنگ بنیاد رکھ دی۔

 

 

اس موقع پر وزیر اعلی سردار عثمان بزدار بھی موجود تھے۔ وزیر اعظم کو منصوبے کے بارے میں بریفنگ دی گئی۔

 

 

وزیر اعظم خان نے سنگ بنیاد رکھنے کی تقریب سے خطاب کرتے ہوئے کہا کہ وسائل کی کمی کی وجہ سے عام آدمی مکان کے مالک ہونے کا سوچ بھی نہیں سکتا۔ انہوں نے بتایا کہ “ہم نے یہ اسکیم غریبوں اور مزدوروں کے لئے شروع کی ہے۔”

 

 

وزیر اعظم نے کہا، “پنجاب میں بڑے شہروں کے ساتھ چھوٹے شہر بھی تعمیر کیے جارہے ہیں۔” اس منصوبے کے ذریعہ مکان کی خواہش رکھنے والوں کے خواب کو پورا کرنے میں آسانی ہو گی۔ وہ دس سال میں دس ہزار روپے ماہانہ قسط ادا کرکے مکان حاصل کرسکتے ہیں۔

 

 

اس اسکیم کے تحت ضلع سرگودھا میں چھ مقامات پر تین مرلہ کے کل 1175 مکانات تعمیر کیے جائیں گے۔ حکومت پنجاب اس منصوبے کے لئے زمین کے ساتھ ساتھ دیگر سہولیات بھی فراہم کرے گی۔

 

 

اس کی تعمیر کا کام فرنٹیئر ورکس آرگنائزیشن (ایف ڈبلیو او) کرے گے۔ رہائش کی سہولت پنجاب بینک فراہم کرے گا جو مستحق افراد کو آسان قسطوں کے ذریعے مکان کی الاٹمنٹ یقینی بنائے گا۔

 

 

اس رہائشی منصوبے کے لئے 33528 درخواستیں موصول ہوچکی ہیں اور مکانات بیلٹنگ کے ذریعے الاٹ کیے جائیں گے۔

 

 

اس سے قبل ایک ٹویٹ میں وزیر اطلاعات چوہدری فواد حسین نے کہا تھا کہ پچاس لاکھ مکانات تعمیر کرنے کا وعدہ اب ایک حقیقت میں تبدیل ہو رہا ہے۔ انہوں نے بتایا کہ اس وقت سیمنٹ کی فروخت ریکارڈ سطح پر ہے۔