کرپٹو کرنسی کا ایک اور معرکہ، لوگ راتوں رات امیر ہوگئے۔

اعتماد نیوز: آج کل ورچوئل کرنی یا پھر کرپٹو کرنسی کو لے کر لوگ کافی کام کر رہے ہیں، جس کا کام آسان الفاظ میں ایسا ہی ہے، جیسا کہ اسٹاک ایکسینج میں ہوتا ہے۔

 

 

حالیہ ہونے والی پیش رفت کے مطابق، مشہور کرپٹو کرنسی بٹ کوئن کا ریٹ اچانک پھر سے بڑھ گیا ہے، جس سے ایک نیا ریکارڈ لگ گیا ہے۔ تاذہ ترین رپورٹ کے مطابق، اس کا ریٹ بڑھ کر 62124 ڈالر ہوگیا ہے۔

 

 

کوئن مارکیٹ کیپ پورٹل ایک ایسا پورٹل ہے، جو 20 سے زیادہ ایکسچینجز سے ڈیٹا لے کر ایوریج ریٹ کا تعین کرتا ہے۔ اس نے بتایا ہے کہ بٹ کوئن کی اچانک طلب میں اضافے ہوا ہے، جو کہ 2.84 فیصد ہے، جس کے بعد، اس کا ریٹ 62124 ڈالر ہوگیا ہے، جس نے پہلے سارے ریکارڈ ختم کرکے نیا ریکارڈ لگا دیا ہے۔

 

 

اس کے اس طرح اضافہ کی ایک وجہ یہ بھی بتائی جا رہی ہے کہ مختلف بڑی کمپنیوں نے بٹ کوئن کے زریعہ خرید و فروخت کی اجازت دی ہے۔ جبکہ رواں سال کے آغاز سے ہی بٹ کوئن میں اچھا خاصہ اضافہ ہورہا ہے۔