سول ایوی ایشن اتھارٹی (سی اے اے) نے ہفتے کے روز پشاور کے باچا خان بین الاقوامی ہوائی اڈے سے جعلی کوویڈ سرٹیفکیٹ پر بیرون ملک جانے کی کوشش کرنے پر ایک خاتون سمیت تین افراد کو پکڑ لیا۔
بیرون ملک جانے کے لیے جعلی کورونا رپورٹس کا استعمال کرنا مہنگا پڑ گیا۔۔
ہوائی اڈے کے ذرائع نے بتایا کہ مسافروں کو پولیس کے حوالے کردیا گیا۔
تفصیلات کے مطابق جعلی COVID-19 ٹیسٹ رپورٹس کا استعمال کرتے ہوئے تین مسافروں نے ایئرپورٹ کے اہلکاروں کو چکما دینے اور پشاور ایئرپورٹ سے بیرون ملک جانے کی کوشش کی۔
تاہم جب سی اے اے کے عہدیداروں نے جانچ کے لیے رپورٹس کو چیک کیا تو یہ بات سامنے آئی کہ وہ جعلی ہیں۔
