شیخ رشید کا سافٹ ویئر بھی اپڈیٹ ہو گیا، آخر ہار ماننی پڑ گئی۔۔

وزیر داخلہ شیخ رشید نے کہا ہے کہ مذہبی جماعت کے ساتھ مذاکرات کا پہلا حصہ نتیجہ خیز رہا۔

 

 

اتوار کی رات دیر گئے جاری کردہ اپنے ویڈیو بیان میں شیخ رشید نے کہا کہ حکومت اور مذہبی جماعت کے مابین بات چیت کا پہلا دور مکمل ہوگیا ہے اور مذاکرات کا دوسرا حصہ آج (پیر) کو ہوگا۔

 

 

وزیر موصوف نے بتایا کہ مذہبی جماعت نے 11 پولیس اہلکاروں کو رہا کیا ہے جنھیں انہوں نے پکڑا ہوا تھا اور کارکنان جو جامعہ مسجد رحمت اللیلعالمین کے سامنے بیٹھے تھے وہ بھی پیچھے ہٹ گئے ہیں اور پولیس بھی علاقے سے لوٹ آئی ہے۔

 

 

شیخ رشید نے امید ظاہر کی کہ حکومت اور مذہبی جماعت کے مابین مذاکرات کے دوسرے حصے کے دوران تمام معاملات پُر امن طریقے سے حل ہوجائیں گے۔

 

 

یہاں آپ کو یہ بتاتے چلیں کہ اس سے قبل شیخ رشید اس بات پہ بضد تھے کہ کسی سے کوئی مزاکرات نہیں کیے جائیں گے۔