خبردار احساس کفالت پروگرام کے نام پر بڑا فراڈ۔

حکومت کی طرف سے گزشتہ سال سے کرونا کی وبا کے بعد متاثرہ اور مستحق خاندانوں کو مدد کے لئے احساس کفالت پروگرام کے تحت پیسے دئیے جارہے ہیں۔

 

اس بارے میں بات کرتے ہوئے، پروگرام کی سربراہ ثانیہ نشتر نے آگاہ کیا ہے کہ کچھ لوگ احساس پروگرام کے نام پر اپنی طرف سے ہی کٹوتیاں کر کے پیسے کم دے رہے ہیں۔

 

 

انہوں نے آگاہ کیا کہ بنوں کی ضلعی انتظامیہ کے تعاون سے احساس کفالت ادائیگیوں کے دوران نا جائز کٹوتیوں میں ملوث دو ریٹیلرز کو پکڑ لیا گیا ہیں۔

 

 

نشتر نے مزید عوام کو یاد دہانی کرواتے ہوئے بتایا کہ ریٹیلر یا نمائندہ ادائیگیوں میں کسی قسم کی کٹوتی کا مجاز نہیں ہے۔ جبکہ بد عنوان عناصر کے خلاف کوئی رعایت نہیں برتی جائیگی۔