پاکستان میں واحد بدری صحابی(حضرت سہل بن عدی رضی اللہ عنہ) کا مزار مبارک۔
حضرت سہل بن عدی رضی اللہ عنہ کا تعلق بنو خزرج سے تھا۔ جو نبی کا انتظار کرتے ہوئے مدینہ میں آباد ہوئے۔ یہ ہی وجہ تھی کہ مدینہ منورہ میں جو لوگ مسلمان ہوئے ان کا تعلق بنو خزرج سے ہی تھا۔آپ صلی اللہ علیہ وآلہ وسلم ان ہی کے کہنے پر مدینہ منورہ تشریف لائے تھے۔
حضرت سہل بن عدی رضی اللہ عنہ کا سلسلہ نسب سہل بن عدی، بن مالک، بن حرام، بن خدیج، بن معاویہ الخزرجی ہے۔حضرت سہل نے غزوہ بدر، غزوہ احد اور بھی کئی غزوات میں حصہ لیا اور جواں مردی کے ساتھ کفار کا مقابلہ کیا کرتے تھے۔
حضرت سہل کے دونوں بھائی حضرت ثابت بن عدی اور حضرت عبدالرحمان بن عدی بھی آپ صلی اللہ علیہ وآلہ وسلم کے ساتھ غزوات اور دیگر معاملات میں شریک رہے۔
حضرت عمر رضی اللہ عنہ نے حضرت سہل کی حکیمانہ سوچ کو دیکھ کرحضرت سہل کو مکران اور اس کے مضافات کا والی مقرر فرمایا تھا۔ حضرت سہل رضی اللہ عنہ نے مکران اور اس کے مضافات کے ساتھ ساتھ بلوچستان اور بھی کئی علاقے فتح کیے۔
خطہ بجات میں حضرت سہل کا مزار مبارک ہے۔ آپ کے مزار کے ارد گرد لاوے کی شکل میں پتھر رکھے گئے ہیں۔ جن کا رنگ اب سیاحی مائل ہو چکا ہو ا ہے۔
