مولانا طارق جمیل نے اپنے ایک بیان میں کہا کہ اللہ سے توبہ کرنا اتنا آسان ہے اور اللہ کو منانا اتنا آسان ہے کہ جتنا ماں کو منانا بھی آسان نہیں۔
کوئی ایک آدمی اتنے گناہ کروےکہ زمین سے اُٹھا کر آسمان کی چھت سے لگا جائیں۔تو وہ انسان جب آدھی زبان سے کہے گا کہ یا اللہ مجھے معاف کر دے تو اللہ اس کے سارے گناہ معاف کر دے گا۔ایسا مہربان، ایسا کریم کوئی بھی نہیں۔
اللہ نے قرآن میں عرض کیا: “میرے بندوں تم پر رحم کرنا میں نے اپنے اوپر فرض کرلیاہے۔”
اِدھر توبہ اور اُدھر سارے گناہ معاف کر دیتا ہے۔ البتہ حقوق العاد ادا کرنے ہوں گے۔
اس کی معافی نہیں ہے جب تک کہ وہ بندہ خود معاف نہ کر دے۔
پھر مولانا صاحب نے ایک بخاری شریف کی مشہور روایت بیان کی وہ یہ ہے کہ ہے کہ ایک آدمی نے ننانوے قتل کیے تھے۔
اس کو توبہ کرنے کا خیال آیا۔ وہ ایک عابد کے پاس گیا اور پوچھا کہ میں نے ننانوے قتل کیے ہیں میری توبہ ممکن ہے؟ جواب آیا کہ توبہ! تو بہت بدمعاش ہے، ننانوے قتل کر کے توبہ کیسے قبول ہو سکتی ہے۔ اس شخص کو غصہ آیا اور اس نے اس عابد کا بھی قتل کر دیا۔
اس کو دوبارہ خیال آیا کے توبہ کروں اور اس سلسلے میں ایک عالم کے پاس تشریف لے گیا اور وہ ہی بات عرض کی تو عالم نے کہا کہ توبہ تو قبول ہو جاتی ہے لیکن پکی ہونی چاہیے۔ اور پکی ہونے کے لئے یہ کر کے یہ بستی چھوڑ کر سامنے نیک لوگوں کی بستی ہے وہاں جا کر آباد ہو جا۔ اس نے اپنا بستر اٹھایا اور چل پڑا، راستے میں اس کو موت آگئی۔
جب اسے محسوس ہوا کہ موت آرہی ہے تو اس نے نے آگے کی طرف جھٹکا لیا اس کے ہاتھ بھی آگے کی طرف تھے اور پاؤں بھی آگے کی طرف تھے۔اللہ نے اس کے پاس جنت اور جہنم کے فرشتے بھیج دیے۔
وہاں جنتی کہنے لگے کہ یہ طائب ہو چکا ہے ہمارا مہمان ہے۔ جہنمی کہنے لگے توبہ تو اس کی پوری ہی نہیں ہوئی یہ ہمارا مجرم ہے۔ پھر اللہ نے ان کے پاس تیسرا فرشتہ بھیجا کہ ان میں فیصلہ کرے۔ اگر اپنے گاؤں کے قریب ہے تو جہنم والے لے جائیں اور اگر نیک لوگوں کی بستی کے قریب ہے تو جنت والے لے جائیں۔ جسمانی طور پر وہ اپنے گاؤں کے قریب تھا۔
جب فرشتے ناپنے لگے تو اللہ نے اس شخص کی گاؤں کی زمین کو حکم دیا کہ لمبی ہو جا اور نیک لوگوں کی بستی والی زمین سے کہا کہ سکڑ جا۔ اس طرح اللہ نے کہا کے یہ ہمارا مہمان ہے اسے لے آؤ۔
