ٹک ٹاک مختصر دورانیہ کی ایک ویڈیو شیرنگ ایپ ہے جس کی مدد سے 15 سیکنڈ سے لے کر 1 منٹ کی ویڈیو بنائی جا سکتی ہے۔ انٹرنیشنل مارکٹ میں ٹک ٹاک کی ابتدا اگست 2018 میں ہوئی تھی۔ اس کی مقبولیت کا اندازہ اس بات سے لگایا جا سکتا ہے کہ 2019 میں ڈاؤنلوڈز میں اس نے فیس بک اور انسٹاگرام کو پیچھے چھوڑ دیا تھا۔ اسی طرح 2020 میں دنیا میں سب سے زیادہ ڈاؤنلوڈ کی جانے والی ایپس میں یہ تیسرے نمبر پر موجود تھی۔
چائنہ میں بائٹ ڈینس نامی ایک کمپنی نے ستمبر 2016 میں اے ڈوٹ می کے نام سے ایک ایپ متعارف کروائی تھی جس کو دو ماہ بعد ڈویَن کے نام سے ری برینڈ کر دیا گیا۔ اس کو محض 8 افراد کی ٹیم نے تقریباً 200 دنوں کے اندر تخلیق کیا تھا۔ اس تخلیق کے 1 سال کے مختصر عرصے میں ہی ج ڈو یَن پر 1 کروڑ سے زائد یوزر رجسٹرڈ ہوئے اور 1 عرب سے زائد ویڈیوز دیکھی جانے لگیں تو بائٹ ڈینس نے اس ایپ کو چائنہ سے باہر لانچ کرنے کا بھی فیصلہ کیا۔ یوں دسمبر 2016 میں اس نے اینڈرائڈ اور آئی فون کے لئے اس کو ٹک ٹاک کے نام سے متعارف کروایا ۔ لیکن اس کو بڑے پیمانے پر شہرت اس وقت ملی جب ویڈیو شیرنگ ایپ میوزیکلی کو اس کے اندر زَم کر دیا گیا۔ اور اس میوزیکلی ایپ کو 1 عرب ڈالر میں خریدا گیا تھا۔
