سانپ کی دنیا میں تقریباً ساڑھے تین ہزار اقسام موجود ہیں، جس میں سے 375 ایسی اقسام ہیں جو زہریلی ہیں۔ جن کے کاٹنے سے کوئی بھی جاندار اپنی زندگی سے ہاتھ دھو سکتا ہے۔
سانپوں کے بارے میں ایک کہانی تو یہ مشہور ہے کہ اگر کوئی شخص کسی ناگ کو قتل کر ڈالے تو ناگن بدلے کے لئے اس شخص کا پیچھا کرتی ہے۔ اور سب سے مشہور بات یہ ہے کہ اِچھا داری ناگن جب سو سال کی عمر تک پہنچ جائے تو وہ انسانی روپ میں تبدیل ہو سکتی ہے۔ لیکن یہ قصے بالکل بھی سچ نہیں۔
اسی طرح کا ایک قصہ جو جوگیوں نے مشہور کیا ہوا ہے وہ یہ ہے کہ سانپ کا منکہ سانپ کے سر سے حاصل کیا جاتا ہے، کچھ جوگیوں کا کہنا ہے کہ جو سانپ بوڑھا ہو جائے اس کے سر سے یہ منکہ حاصل کیا جاتا ہے۔ حقیقت میں یہ کالے رنگ کا پتھر ہوتا ہے جس کی لمبائی آدھا انچ ہوتی ہے۔ یہ پتھر کوبرا نسل کے سانپوں کے سر سے ہی حاصل کیا جاتا ہے۔
