حال میں ہی وزیراعظم عمران خان کے بہت ہی قریبی دوست جہانگیر ترین اور حکومتی مشینری میں ٹکراؤ سامنے آیا۔ جس کے بعد، حالات پیچیدگی کی طرف بڑھتے گئے۔
موجودہ صورت حال یہ ہے کہ جہانگیر ترین کے حامیوں نے اپنا گروہ بنا لیا، جس سے وہ جہانگیر ترین کی طاقت کا مظاہرہ کر رہے ہیں۔
جبکہ دوسری طرف، حکومت اور عمران خان کے حامیوں نے سوشل میڈیا پر ٹرینڈ چلا دیا ہے کہ وہ وزیراعظم عمران خان کے ساتھ کھڑے ہیں۔ جس میں دیکھا جا سکتا ہے کہ وفاقی وزیر تعلیم نے ٹوئیٹ کی ہے کہ وہ وزیراعظم عمران خان کے ساتھ مکمل طور پر کھڑے ہیں۔
جبکہ ان کے ساتھ مختلف پی ٹی آئی کے عہدیداروں اور حامیوں نے یہ بھی روایت اپنائی تاکہ وہ پاکستان سمیت پوری دُنیا کو بتا سکے کہ عمران خان اکیلا نہیں بلکہ وہ ان کے ساتھ کھڑے ہیں۔
جہانگیر ترین کا اس بارے میں کہنا ہے کہ ان کے خلاف کوئی بھی انکوائیری شوگر کے متعلق نہیں ہے بلکہ ان کے خلاف ایف آئی ار کی گئی ہیں جو کہ بے بنیاد ہے۔
