معدے میں تیزابیت اور گیس ہونے کی بڑی وجہ یہ ہے کہ جب ہم اپنی خوراک میں کاربوہائیڈریٹ سے بھرپور غذا کا استعمال کرتے ہیں تو ہمارے جسم کے کچھ فرینڈلی بیکٹریا اور انزائمز مل کر اُسکی break downکرتے ہیں۔ جس کو fermentation بھی بولتے ہیں۔ جس کی وجہ سےجسم میں گیس بنتی ہے
Bloating کی وجہ سے آپ کو پیٹ پھولا ہوا محسوس ہوتا ہے ، پیٹ درد ہوتا ہےیا acidity ہوجاتی ہے۔ معدے میں تیزابیت غیر متوازن غذا کے استعمال سے ہوتی ہے۔ جس میں کاربوریٹڈ کولڈ ڈرنکس، فیٹی فوڈ وغیرہ شامل ہیں۔ اس کے علاوہ آلو، مٹر، بندگوبھی، بروکلی، میدے سے بنی ہوئی اشیاء، پاستا اور دالیں وغیرہ شامل ہیں۔ ان کے استعمال سے بھی کچھ افراد کو جسم میں bloating ہو سکتی ہے۔
اگرچہ یہ تمام چیزیں صحت مند غذا کا حصہ ہیں اور ان کو غذا سے نکالا نہیں جاسکتا لیکن ہر شخص اپنی صحت کے لحاظ سے ان کو کم مقدار میں استعمال کر سکتا ہے۔
مثلاً ان سبزیوں اور دالوں کو ہم لیٹ نائٹ نا لیں۔ اوور ایٹنگ کو نظرانداز کریں۔ کھانا وقت پر کھائیں اور سارے دن میں پانی کا استعمال زیادہ کریں۔ کھانا ہمیشہ آہستہ آہستہ کھائیں اور چبا کر کھائیں۔ کھانا کھاتے وقت باتیں نہ کریں کیونکہ باتیں کرتے وقت بھی ہم ہوا اپنے اندر لے کر جا رہے ہوتے ہیں جس کی وجہ سے تیزابیت ہو سکتی ہے۔
کھانا کھانے کے بعد بازاری میٹھی اشیا ء سے پرہیز کریں۔ چائے اور کافی بھی فوراً نہ لیں اور سموکنگ تو بالکل بھی مت کریں۔ کھانا ہمیشہ کھانے کےمقررہ اوقات میں کھائیں۔ کھانے کے اوقات میں بے ترتیبی بھی معدے کی تیزابیت کا باعث بنتی ہے۔ اس لئے اپنی غذا میں دہی کا استعمال لازمی کریں نیز لیمن گرین ٹی بھی استعمال کر سکتے ہیں۔ اس کے علاوہ لیموں کو پانی میں ملا کر پی لیں یا پھر دارچینی کا قہوہ پی لیں۔ ان تمام کے ساتھ اپنی روزمرہ زندگی میں ورزش کو لازم کر لیں ۔ دن میں تین یا چار طرح کی ورزش لازمی کریں۔
ان تمام چیزوں کے باعث معدے کی تیزابیت سے نجات حاصل کی جا سکتی ہے۔
