اسلام آباد ( اعتماد نیوز ڈیسک) پاکستان کے وزیراعظم عمران خان نے بتایا ہے کہ ایف بی آر نے مجموعی طور پر1840ارب روپے کا ٹیکس وصول کر لیا ہے اور یہ سب ان کی ٹھوس معاشی کارکردگی کا نتیجہ ہے۔
سماجی رابطے کی ویب سائٹ پر وزیراعظم عمران خان نے لکھا کہ فیڈرل بورڈ اف ریونیو (ایف بی آر) کو ریکارڈ ٹیکس وصولی پر مبارکباد دیتا ہوں، ادارے نے گزشتہ سال کے مقابلے میں 37 فیصد زیادہ ٹیکس وصول کیا ہے۔ انہوں نے لکھا کہ ایف بی آر نے مجموعی طور پر 1840 ارب روپے کا ٹیکس وصول کیا، یہ سب ہماری ٹھوس معاشی کارکردگی کا نتیجہ ہے، انکم ٹیکس میں بھی 32 فیصد سالانہ اضافہ ہوا۔
آپ کو بتاتے چلے دوسری طرف حکومت سے مہنگائی کا بھوت قابو میں نہیں آ رہا، مسلسل ڈالر کی قیمت میں اضافہ میں ملک میں مہنگائی تاریخی سطح پر پہنچ گئی ہے۔
جبکہ پٹرول کی قیمت میں بین الاقوامی سطح پر اضافہ سے، ملک میں پٹرول کافی مہنگا ہو گیا ہے جس سے تمام چیزوں کی قیمتوں میں بھی کافی اضافہ ہو گیا ہے۔ جس سے عوام کافی پریشان ہے۔