شارجہ (اعتماد نیوز ڈیسک) قومی ٹیم کے سپر سٹار سابق پاکستانی فاسٹ بائولر شعیب اختر نے بھارت اور افغانستان کے درمیان مقابلے میں انڈیا کے ہارنے کی پیش گوئی کر دی اور اس پیش گوئی نے شائقین میں تہلکہ مچا دیا۔
ایک پروگرام میں شعیب اختر نے کہا ہےکہ انہیں لگتا ہے کہ بھارت افغانستان کے ہاتھوں شکست کھائے گا۔ ان کا مزید کہنا تھا کہ بے شک غیب کا علم اللہ تعالیٰ کو ہے لیکن میرا تجربہ یہ کہتے ہے کہ بھارت اس ہفتے ٹورنامنٹ سے باہر ہو جائے گا۔
اس سے پہلے قومی کرکٹ ٹیم کے سابق اسپیڈ اسٹا شعیب اختر نے کہا ہے کہ ایسا لگ رہا ہے اتوار تک بھارت کی ٹیم ورلڈکپ سے باہر ہوجائے گی۔ ایک انٹرویومیں انہوں نے کہا کہ اب پاکستان کو بڑا ٹوٹل بنا کر دکھانا ہوگا۔
ان کا ماننا ہے کہ افغانستان کی کرکٹ تیزی سے آگے جارہی ہے۔ دوسری جانب اپنے سوشل میڈا پیغام میں بھی انہوں نے قومی ٹیم کی دل کھول کر تعریف کی اور اور کہا کہ قومی کرکٹ ٹیم نے تو دل خوش کردیا۔انہوں نے کہا کہ میں نے ہمیشہ کہا کہ ٹی ٹوئنٹی ورلڈ کپ کے اس ایڈیشن میں پاکستان کو کبھی کم نہ سمجھیں، وہ ایک مضبوط قوت ہے۔شعیب اختر نے کہا کہ آصف علی نے شاندار کھیل پیش کیا، دل خوش کردیا، ٹیم یہی پرفارمنس جاری رکھے۔
جبکہ شعیب اختر کی اس پیش گوئی نے شائقین کو حیران کر کے رکھ دیا ہے اور اس کھیل کو اور دلچسپ اور پرتجسس بنا دیا ہیں۔
