کراچی (اعتماد نیوز ڈیسک) پاکستان کے سابق صدر آصف علی زرداری اور بینظیر بھٹو کی صاحبزادی اور چیئرمین پیپلز پارٹی بلاول بھٹو کی ہمشیرہ بختاور بھٹو نے اپنے بیٹے کی تصویر شیئر کر دی ہے۔
بختاور نے مشہور تصاویر شئیر کرنے کی ایپ انسٹاگرام پر اپنے بیٹے میر حاکم محمود چوہدری کی تصویر شیئر کر دی ہے۔
جس پر بڑی تعداد میں صارفین نوزائیدہ کیلئے دعاؤں اور پیار کے کلمات کمنٹ کئے۔ بختاور نے اپنی پوسٹ میں بتایا کہ یہ تصویر اس وقت کی ہے جب حاکم ایک ہفتے کا تھا۔ خیال رہے کہ بختاور بھٹو زرداری اور ان کے شوہر محمود چوہدری کے گھر ننھے مہمان کی آمد رواں ماہ کی 10 تاریخ کو ہوئی تھی۔
جس کے بعد انہوں نے بتایا تھا کہ بیٹے کا نام مرحوم ماموں کی نسبت سے میر ، دادا کی نسبت سے حاکم رکھا ہے۔
جبکہ تعجب کی بات یہ ہے کہ بچے کے نام کے ساتھ زرداری یا بھٹو کا نام نہیں لگا۔
