لاہور (اعتماد نیوز ڈیسک) صوبائی دارلحکومت لاہور کے شہریوں کیلئے، تحریک انصاف کا زبردست میگا پراجیکٹ کا تحفہ ، منصوبے پر کام بھی شروع کر دیا گیا۔
تفصیلات کے مطابق، لاہور میں دن با دن بڑھتی ٹریفک کے پیش نظر مصروف ترین مقام پر انڈر پاس بنانے اور سڑکوں کو سگنل فری بنانے کے منصوبے پر باقاعدہ کام کا آغاز ہو چکا ہے۔
اطلاعات کے مطابق، لاہور میں موجود مصروف ترین مقام اکبر چوک پر انڈر پاس تعمیر کیا جائے گا جبکہ اس کے ساتھ ساتھ مولانا شوکت علی روڈ بھی سگنل فری کرنے کے منصوبے پر کام شروع کر دیا گیا ہے۔
تفصیلات کے مطابق، اکبر چوک پر انڈر پاس بنانے کے نقشہ اور تخمینہ پر باقاعدہ کام شروع کر دیا گیا ہے۔ جبکہ اس معاملے میں، ایل ڈی اے کی طرف سے اکبر چوک انڈر پاس کیلئے سمارٹ کنسٹرکشن ورک ٹیکنالوجی اپنانے کا موقف سامنے آیا ہے۔
آپ کو بتاتے چلے کہ میڈیا رپورٹس کے مطابق، لاہور می اکبر چوک انڈر پاس پری کاسٹ ٹیکنالوجی پر بننے والا پہلا انڈر پاس ہوگا۔ اس کے ساتھ ساتھ مادر ملت روڈ کی جانب مڑنے والے چوک کی بھی ری ماڈلنگ کی جائے گی۔
