لاہور (اعتماد نیوز ڈیسک) ڈاکٹر عفان قیصر کہتے ہیں کہ میں ہمیشہ ایک بات کہتا ہوں کہ ہماری قوم کو اینڈوسقوپی کروانے اور ہمارے یہاں کے ڈاکٹرز حضرات کو اینڈوسقوپی کرنے کا بہت زیادہ شوق ہے۔
وہ کہتے ہیں کہ اینڈو سقوپ وہ نالی ہے جس سے انسانی معدے کا معائنہ کیا جاتا ہے۔ اور یہ بِلا وجہ کرنا بالکل بھی ٹھیک نہیں ہوتا، کیونکہ اگر یہ بِلا وجہ کیا جائے تو انفیکشن کا بھی ڈر ہوتا ہے، اگر صحیح طریقے سے معدے کو جراثیم سے پاک نہ کیا جائے ۔
ڈاکٹر عفان کہتے ہیں کہ یہ جب بھی کروائیں تو کسی اچھے پڑھے لکھے اور ٹرین سپیشلسٹ سے ہی کروائیں، اور تب ہی کروائیں جب اس کو کروانے کی واقعی ضرورت بھی ہو۔
ڈاکٹر صاحب کہتے ہیں کہ اپنی ڈائٹ کو بہتر کریں، اپنا ڈپریشن کم کریں، اگر آپ نے معدے یا جگر کے امراض سے بچنا ہے تو سب سے زیادہ ضروری ہے کہ اپنا ڈپریشن کم کریں، اپنے کھانے پینے پر غور کریں اور صرف صحت مند غذاء ہی کھائیں۔
یہاں پر ایک انفیکشن بہت عام ہے ، یہ ایک قسم کا جراثیم ہے جو کہ معدے میں تیزابیت پیدا کرتا ہے۔ اور پھر یہ بڑھتا چلا جاتا ہے، اگر آپ سگریٹ نوشی بھی کرتے ہیں، یا مرچ مصالحوں والی چیزیں بھی کھاتے ہیں تو ان چیزوں کو کم کریں۔
