پشاور (اعتماد نیوز ڈیسک) خیبر پختونخواہ کے علاقے لکی مروت میں عوام بجلی اور گیس کی لوڈ شیڈنگ سے تنگ کر سڑکوں پر آگئی۔ لیکن احتجاج کی منفرد بات یہ ہے کہ باپردہ خواتین بھی احتجاج میں شامل تھی۔
تنقید نگار کے مطابق، جب اس طرح باپردہ خواتین بھی مسائل کے حل لئے سڑکوں پر آجائیں تو اس کا مطلب ہے کہ حکمرانوں کو مسائل کی شدت کا احساس ہونا چاہئے۔ مظاہرین کا کہنا ہے کہ سردی میں نا تو گیس آتی ہے اور نا ہی بجلی۔
جبکہ اس صور تحال پر، پاکستان کے مشہور اینکر پرسن و صحافی حامد میر کا کہنا تھا کہ یہ تو طوفان کے آثآر ہیں۔ ان کے نزدیک یہ نشاندہی ہے کہ کوئی نیا طوفان حکومت کے خلاف آنے والا ہے۔
احتجاج میں مظاہرین نے جو پلے کارڈ اُٹھا رکھے ہیں۔ ان پر لکھا ہے کہ ” بجلی کی بے انتہا لوڈ شیڈنگ ختم کی جائے “، ” ہمیں نیا نہیں، پرانا پاکستان چاہئے”۔ جبکہ مظاہرین خواتین میں بیشتر خواتین نے سفید رنگ کا برقع پہنا ہوا تھا۔
آپ کو بتاتے چلے کہ اس سے پہلے بلدیاتی انتخابات میں بھی خیبر پختوںخواہ میں پاکستان تحریک انصاف کو شکست کا سامنا کرنا پڑا۔
