بل گیٹس کا دورہ پاکستان کے بعد واپس جا کر ٹویٹر پر پاکستان کے لیے اہم ٹویٹ جاری

مائیکرو سافٹ کے بانی بِل گیٹس نے وزیراعظم عمران خان کا شکریہ ادا کرتے ہوئے کہا ہے کہ پاکستان میں پولیو کے خاتمے کے لیے کیے جانے والے اقدامات پراوراُس کی روک تھام پر نتیجہ خیز بات چیت کے لیے وزیراعظم عمران خان کا تہہ دل سے شکریہ ادا کرتا ہوں۔

 

 

پاکستان سے جانے کے بعد بِل گیٹس نے اپنے ٹوئٹر پیغام میں لکھا کہ پاکستان ملک سے پولیو کے خاتمے کے عزم کی حوصلہ افزائی کرتا ہوں۔ اور پُرامید ہوں کہ اگر ہر کوئی ہوشیار رہے تو ہم پولیو کا خاتمہ کر سکتے ہیں۔ مائیکرو سافٹ بانی کو دورہ پاکستان کے موقع پر گزشتہ روز 17 فروری کو ایوان صدر میں ہلال پاکستان سے بھی نوازا گیا تھا اور وہ اپنے دورے کے دوران کافی خوش نظر آئے۔

 

 

یہاں یہ بات بھی قابل ذکر ہے کہ نشانِ پاکستان کے بعد ہلال پاکستان بھی پاکستان کا دوسرا بڑا اعزاز ہے۔ قبل ازیں بل گیٹس نے وزیراعظم عمران خان، صدر مملکت عارف علوی سمیت دیگر وفاقی وزرا سے بھی ملاقاتیں کیں۔ وزیراعظم عمران خان سے ملاقات میں پولیو کے خاتمہ اور دوسرے اہم موضوعات پر تبادلہ خیال کیا گیا۔ بل گیٹس نے این سی او سی ہیڈکوارٹرز کا دورہ بھی کیا۔

 

 

بل گیٹس نے اسمارٹ اور مائیکرو اسمارٹ لاک ڈاؤن کی حکمت عملی سمیت دیگر اقدامات کو سراہا تھا۔ بل گیٹس نے کرونا اور ویکسینیشن مہم پر خیالات کا اظہار کیا۔ وفاقی وزیر اسد عمر نے بل گیٹس اوران کی فاؤنڈیشن کو کرونا وباء میں اقدامات کی حمایت کرنے پر شکریہ ادا کیا۔