بڑھتی گرمی کے اس موسم میں محکمہ موسمیات نے بارشوں کی نوید سنا دی۔
لاہور ( اعتماد ٹی وی ) موسم گرما کی آمد کے ساتھ ملک بھر گرمی کی لہر دوڑ گئی۔ اور درجہ حرارت 8 سے 10 ڈگری سینٹی گریڈ بڑھ گیا۔محکمہ موسمیات کی جانب سے لوگوں کو بلا ضرورت گھروں سے باہر نہ نکلنے کی ہدایت کی گئی اور جو گھروں سے نکلتے ہیں وہ سورج کی شعاعوں سے حفاظت کے لئے سن بلاک کریمیں استعمال کریں۔
تاہم آج محکمہ موسمیات کی جانب سے موسم بدلاؤ کی پیش گوئی کی گئی ہے۔ اور گرمی سے گھبرائے شہریوں کو خوشخبری دی ہے کہ پنجاب کے بالائی علاقوں میں بارشوں کا امکان ہے ۔ بارشوں کا یہ سلسلہ مزید روز تک جاری رہ سکتا ہے۔
پنجاب کے بالائی علاقوں کے ساتھ ساتھ دیگر شہروں سرگودھا، حافظ آباد ، سیالکوٹ ، اوکاڑہ ، بہاولپور، خوشاب ، میانوالی، ساہیوال ، ملتان، گجرات اور لاہور میں بھی بارش کا امکا ن ہے ۔ 19 مارچ بروز ہفتہ کو اسلام آباد ، کشمیر ، گلگت بلتستان اور خیبر پختونخواہ میں گرج چمک کے ساتھ بارش ہوگی اور شمالی بلوچستان و جنوبی پنجاب اور بالائی سندھ میں گرد آلود ہوائیں چلنے کے ساتھ ساتھ آندھی کا بھی امکان ہے۔
جمعے کے روز ملک بھر میں موسم خشک رہے گا تاہم رات کے وقت سے موسم میں بدلاؤ کے اثرات ہو نگے۔اور ہفتے تا بدھ تک ملک کے پیشتر علاقوں میں آندھی و طوفان کے ساتھ بارش متوقع ہے۔
