وزیراعظم آخری بال تک کھیلیں گے۔ شہباز گل۔
اسلام آباد ( اعتماد ٹی وی ) حکومت مخالف جماعتوں کی جانب سے دعوی کیا گیا ہے کہ وزیراعظم نے ان سے محفوظ راستہ مانگا ہے انھوں نے کہا ہے کہ عدم اعتماد واپس لیں تو میں اسمبلی تحلیل کر دوں گا ۔
اس حوالے سے وزیراعظم کے معاون خصوصی شہباز گل کا کہنا ہے کہ وزیراعظم میں سپورٹ مین سپرٹ موجود ہے ۔ وہ آخری گیند تک لڑیں گے ہار نہیں مانیں گے۔
شہباز گل کا کہنا ہے کہ وزیراعظم کو کیا ضرورت ایسے چوروں سے ساز باز کرنے کی جو یہ ایسے خواب دیکھ رہے ہیں۔ وزیراعظم استعفیٰ نہیں دیں گے اور یہ لڑائی جاری رہے گی۔
وزیراعظم ایسے نظام کے خلاف لڑ رہے ہیں جو حکومتیں بنا کر گراتے ہیں جہاں سسٹم کمزور اور مخالفین مضبوط ہیں۔
نہ وزیراعظم نے استعفیٰ دینے کی پیش کی ہے اور نہ ہی محفوظ راستے کی ڈیمانڈ کی ہے۔
اس کے علاوہ شہباز گل کا کہنا تھا کہ عمران خان نے تحریک عدم اعتماد کے باوجود ملک کا نظام ایسا سنبھالہ ہے کہ سب تجزیہ نگار تضاد رکھنے کے باوجود تعریف پر مجبور ہیں۔ اگر وزیراعظم کرپٹ ہوتے تو بیرونی طاقتیں ان کو ہٹانے پر اس قدر زور نہ لگاتی ۔
لندن سے بیان جاری کیے جا رہے ہیں وزیراعظم کو ہٹانے کے ان کے خلاف تحریک کو کامیاب بنانے کے ، ناکامی کی صورت میں تمام تر حالات کی ذمہ داری حکومت مخالف اتحادیوں کی ہو گی۔
شہباز گل نے کہا کہ وزیراعظم نے پاکستان کے لئے بہت محنت کی ہے اب وقت ہے ملک کی عوام بھی اپنے لیڈر کے ساتھ کھڑی ہو اور فیصلہ کرے کہ پاکستان کا مستقبل چوروں کے ہاتھ میں دینا ہے یا ایماندار حکمران کے ہاتھ میں۔
