رنبیر کپور اور عالیہ بھٹ کی شادی کی تصاویر سوشل میڈیا پر وائرل ۔
بالی وُوڈ کی مشہور و دلعزیز جوڑی بالآخر ایک ہو گئی ۔ ان کی شادی کی تاریخ کو لے کر یہ کہا جا رہا تھا کہ آگے ہو گئی ہے لیکن شادی اپنی تاریخ پر ہی ہوئی ۔ شادی میں دلہا و دلہن نے خوبصورت سفید رنگ کے لباس زیب تن کئے۔
عالیہ بھٹ نے سفید رنگ کی ساڑھی پہنی اور رنبیر کپور نے سفید رنگ کی شیروانی زیب تن کی ۔شادی کی رسومات کی ادائیگی کے بعد عالیہ و رنبیر نے گھر سے باہر آ کر میڈیا سے باقاعدہ ملاقات کی ۔
اور فوٹو گرافرز کی فرمائش پر دلہا و دلہن والے مختلف پوز بھی بنائے۔ زنبیر کپور نے عالیہ بھٹ کو خوشی کے مارے گود میں لے لیا۔ اور یہ تصویر سوشل میڈیا صارفین کی جانب سے بہت پسند کی گئی۔
شادی میں رنبیر کپور و عالیہ بھٹ کے قریبی دوستوں سمیت صرف 28 افراد نے شرکت کی۔ اور شادی کی تصاویر میں کپور اور بھٹ خاندان کی تصاویر کو بہت پسند کیا گیا۔ نیتو سنگھ نے اپنے شوہر کے نام کی مہندی لگائی اور ان کا نام بھی لکھوایا ۔
تقریب میں شامل مہمانوں نے ہلکے گلابی رنگ کے لباس زیب تن کئے تھے ۔ جن میں کرینہ کپور ، سیف علی خان ، کرن جوہر شامل ہیں ۔ رنبیر کپور کی والدہ ، اور بہنوں نے گولڈن رنگ کے لباس پہنے اور تمام افراد نے اپنی ملی جلی سیلفیز شئیر کی۔
ایک تصویر جو شائقین کی توجہ کا مرکز بنی وہ کرینہ کپور کے چھوٹے بیٹے جہانگیر علی خان کی کرینہ کپور کے ہمراہ لی گئی تھی۔
