حامد میر کے ٹوئٹ پر عمران خان کی سابقہ اہلیہ کا ردعمل ۔
آن لائن (اعتماد ٹی وی) پاکستان کے نامور صحافی و اینکر پرسن حامد میر نے گزشتہ روز پاکستان تحریک انصا ف و مسلم لیگ ن کے اراکین کو احتجاج کے حوالے سے روکنے پر ٹوئٹ کیا ۔
حامد میر کا کہنا ہے کہ پاکستان تحریک انصاف کے کارکنان کو لند ن میں مسلم لیگ ن کے قائد نواز شریف کے گھر کے سامنے احتجاج نہیں کرنا چاہیے۔ یہ کسی بھی طرح زیب نہیں دیتا کہ آپ غیر ملک میں اپنے ہی لوگوں کے ساتھ ایسا سلوک کریں۔
اسی طرح حامد میر نے مسلم لیگ ن کے کارکنان کو عمران خان کی سابقہ اہلیہ جمائمہ کے گھر کے سامنے احتجاج کرنے اور پتھر پھینکنے سے منع کیا کہ ان کا گھر شیشے کا ہے اورایسے احتجاج کر کے وہ قانون ہاتھ میں نہ لیں۔
جس پر جمائما نے ردعمل ظاہر کیا ہے اور انھوں نے اپنے سوشل میڈیا اکاؤنٹ کے ذریعے کہا کہ بہت احترام کے ساتھ میں یہ بات کہنا چاہتی ہوں کہ حامد میر صاحب نے میری طرف داری کی جو کہ اچھی بات ہے ۔
لیکن اس طرف داری کی مجھے ضرورت نہیں ہے ۔ یہ دو بالکل متضاد صورتیں ہیں۔ جمائمہ نے کہا کہ میں نے یا میرے بچوں نے پاکستان کے سیاسی معاملات میں دخل اندازی نہیں کی۔ میرے بچوں کا ان تمام معاملات سے کوئی تعلق نہیں ہے وہ آزاد و خودمختار ہیں اور سوشل میڈیا سے بھی دور ہیں۔