جاوید ہاشمی نے بھی موجودہ حکومت کو متنبہ کیا کہ انتخابات کروائیں قوم آ پ کے ساتھ نہیں ہے۔
لاہور ( اعتماد ٹی وی ) پاکستان کے سیاستدان جاوید ہاشمی نے بھی حالیہ حکومت کو تنبیہہ کردی کہ جیسے حالات جا رہے ہیں اس میں بہتر یہی ہے کہ آپ لو گ انتخابات کر والیں۔
مسلم لیگ ن نے پاکستان کی تمام سیاسی جماعتوں کے ساتھ وعدے کر کے سابق حکومت کے خلاف تحریک عدم اعتماد کامیاب بنائی ۔
اب مسلم لیگ ن کو اقتدار تو مل گیا ہے لیکن یہ اقتدار ابھی ان کو راس نہیں آ رہا ۔ اور وزارتوں کے لالچ میں ایک ہوئی اپوزیشن پھر سے مخالف ہو گئی ہے ۔
ان حا لات میں سوشل میڈیا پر موجودہ حکومت کے خلاف ایک ٹرینڈ بھی پندرہ دن سے ٹاپ پر ہے کہ ایسی ایمپورٹڈ حکومت ہمیں منظور نہیں ہے۔
جاوید ہاشمی نے بھی مسلم لیگ ن کو متنبہ کیا ہے کہ عوام اب آپ کے ساتھ نہیں ہے ۔ وقت کی نزاکت کو سمجھیں اور انتخابات کروائیں۔ سب کے سامنے حقیقت عیاں ہو جائے گی۔ جاوید ہاشمی نے کہا کہ میں یہ باتیں ایک سیٹ کے لالچ میں نہیں کر رہا۔
لیکن میں آپ کو بتا رہا ہوں کہ وہ وقت گزر گیا جب قوم واقعی آپ کے ساتھ تھی اب ایسا نہیں ہے۔ ایسی حکومت عوام کو قابل قبول نہیں ہے۔
