خاتون کو خوبصورت نظر آنے کا شوق مہنگا پڑ گیا ۔
آن لائن (اعتماد ٹی وی) اللہ تعالیٰ نے انسان خوبصورت ہی پیدا کیا ہے لیکن یہ انسان کی فطرت ہے کہ جو اس کے پاس ہے وہ اس سے خوش نہیں ہوتا بلکہ جو دوسرے کے پاس ہوتا ہے اس کو دیکھکر حسد کر تا ہے۔ ایسا ہی آج کل دیکھنے میں آ رہا ہے ۔ کوئی بھی انسان خواہ مرد ہو یا عورت اپنے موجود شکل و رنگت سے مطمئن نظر نہیں آ تے۔ اس میں تبدیلی کے ہی خواہشمند رہتے ہیں۔
ایسا ہی برطانیہ کی خاتون نے کیا ۔ انھوں نے اپنی خوبصورتی مزید بڑھانے کے لئے اور جاذب نظر آنے کے لئے فیصلہ کیا کہ وہ اپنے ہونٹوں کی سرجری کروائیں گی اور ان کو آج کل کے فیشن کے مطابق بڑا کروائیں گی۔ اس حوالے سے انھوں نے برطانیہ میں ایک میڈیکل سینٹر کا رُخ کیا ۔29 سالہ خاتون نے بتایا کہ ہونٹوں کی سرجری کے دوران وہ سو گئی تھی۔ جب عملے نے ان کو جگایاکہ باقی کی فلنگ مکمل کر نی ہے تو انھوں ےنے محسوس کیا کہ ان کے ہونٹوں کا سائز بڑھ رہا ہے۔
ہونٹوں کے سائز کا خودبخود بڑھنا تشویش کا باعث تھا اس لئے انھوں میڈیکل سٹاف کو بتایا لیکن کوئی فائدہ نہیں ہونٹ اپنے سائز سے چھ گنا زیادہ بڑھ گئے جس سے ناک کے نتھنے ہونٹوں کے پیچھے آگئے اور سانس لینے کا مسئلہ شروع ہو گیا ۔ اور پھر ہونٹوں کے بڑھنے کی وجہ سے گردن میں تکلیف شروع ہوگی اور منہ کھلا رہ گیا۔
خاتون کی حالت کو دیکھتے ہوئے ان کے اہلخانہ ان کو ہسپتال لے گئے جہاں ان کا علاج جاری ہے۔ ہونٹوں کے اس طرح بڑھنے کی وجہ تاحال سامنے نہیں آئی۔