پی ٹی آئی کے حامی اینکر ہارون رشید بھی عثمان بزدار پر برس پڑے، حقائق سب کے سامنے رکھ دئے

عثمان بزدار پاکستان تحریک انصاف کے کرپٹ ترین آدمی ہیں۔ ہارون الرشید

لاہور (اعتماد ٹی وی) پاکستان تحریک انصاف کے دوراقتدار کو ختم ہوئے بہت دن ہو گئے ہیں۔ لیکن ابھی تک موجودہ حکومت کی جانب سے کوئی نہ کوئی الزام عائد کر دیا جاتا ہے۔ بجلی کی لوڈ شیڈنگ سے لے ملک میں مہنگائی کا ذمہ دار پاکستان تحریک انصاف کو ٹھہرایا جاتا ہے۔ اسی طرح پنجاب میں حمزہ شریف کے اسمبلی میں ووٹ حاصل کرنے کے بعد بھی اب تک وزیراعلیٰ کا حلف نہیں لے سکے۔

حمزہ شہبازنے آج تیسری درخواست دائر کی ہے ۔اس سنئیر تجزیہ نگار ہارون الرشید نے ٹوئٹ کی ہے انھوں نے کہا کہ پاکستان تحریک انصاف کا کرپٹ ترین آدمی عثمان بزدار ہے۔ اپنے دور حکومت میں اس کا وطیرہ تھا کہ یہ ترقیاتی کاموں میں سب سے پہلے اپنا حصہ وصول کرتا تھا۔

اس کا بندوبست سب سے پہلے ہوتا تھا۔
کرپشن کے اس طریقے میں عثمان بزدار کے بعد پچاس سے ساٹھ ٹھیکے داروں کا حصہ بنتا تھا پھر اتنا ہی حصہ جان پہچان والوں کو دیا جاتا تھا۔ جس سے پتہ چلتا ہے کہ عثمان بزدار نے جتنا نقصان پاکستان تحریک انصاف کو پہنچایا ہے اتنا کسی اور نے نہیں پہنچایا۔ پنجاب اور پاکستان تحریک انصاف کو ڈبونے میں اس شخص کا ہاتھ ہے۔