محکمہ موسمیات نے مون سون بارشوں کا سلسلہ 30 جون سے شروع ہونے کا امکان ظاہر کر دیا۔
اسلام آباد (اعتماد ٹی وی) محکمہ موسمیات کی جانب سے یہ اعلان کیا گیا تھا کہ پری مون سون بارشوں کا سلسلہ اس سال جلد شروع ہو گا جو کہ رواں ماہ جون میں شروع ہو کر اگست کے آخر تک جائے گا ۔ یہ سلسلہ ایک ہفتے کی بارشوں کے بعد رُک گیا تھا۔
اب محکمہ موسمیات کی جانب سے پھر سے الرٹ جاری کیا گیا ہے کہ 30 جون 2022 سے یہ سلسلہ دوبارہ شروع ہو گا ۔ بحیرہ عرب اور بے آف بنگال کی جانب سے داخل ہونے والا مون سو ن کا یہ سپیل پاکستان میں مزید بارشوں کا سبب بنے گا ۔
اس سلسلے کی وجہ سے اسلام آباد ، گلگت ، کشمیر ، بلتستان ، سوات، مانسہرہ، سوابی، نوشہرہ، روالپنڈی، لاہور، نارووال، سیالکوٹ، مری، اٹک، ایبٹ آباد، کوہستان، ہری پور، پشاور ، جہلم، چکوال، حافظ آباد، فیصل آباد، گجرات ، گجرانوالہ، ساہیوال، اوکاڑہ، شیخو پورہ، جھنگ، بہاولنگر میں گرج چمک کے ساتھ بارشیں ہو نگی۔
کراچی ، حیدرآباد، ٹھٹھہ، بدین، برکھان، کوہلو، کوئٹہ ، قلات، لسبیلہ،نصیر آباد، زیارت، لورالائی اور سبی سے بارشیں 1 جولائی سے 5 جولائی تک گرج چمک کے ساتھ ہونگی اور اس میں سیلاب کا بھی خدشہ ہے۔
بارشوں کی وجہ سے الرٹ جاری کر دیا گیا ہے۔ دریاوں میں پانی کے زیادہ بہاؤ کی وجہ سے اسلام آباد ، لاہور، گجرانوالہ، سیالکوٹ اور فیصل آباد میں 2 سے 4 جولائی کی بارشوں پر الرٹ کر دیا گیا ہے اور کراچی ، حیدرآباد میں 3 جولائی سے 5 جولائی تک۔
ماہی گیروں کو مچھلی کے شکار کے دوران محتاط رہنے کا کہا گیا ہے اور سمندری صورتحال 3 سے 5 جولائی تک بہتر نہیں ہو نگی۔ زیادہ بھاری تعداد میں بارشوں کی وجہ سے کشمیر اور مری میں ژالہ باری کا بھی امکان ہے۔ بارشوں کا یہ پانی چاولوں کی فصلوں کے لئے فائدہ مند ہو گا۔
