موبائل استعمال کرنے والے ہو جائے تیار، کمپنیوں نے سگنل مہیا کرنے میں لوڈ شیڈنگ کرنے کا عندیہ دے دیا

انٹر نیٹ صارفین کے لئے بُری خبر!

 

لاہور (اعتماد ٹی وی) ذرائع کے مطابق بڑھتی ہوئی مہنگائی نے جہاں غریب آدمی کی کمر توڑ دی ہے وہی بڑی کمپنیاں بھی اس سے متاثر ہو رہی ہیں۔ حکومت کے رواں سال پیش کئے گئے بجٹ میں بجلی و تیل کی قیمتوں میں پے در پے اضافے سے درآمدات میں بہت بڑا فرق پڑ گیا ہے ۔

 

 

اس پر حکومت نے کاروباری اداروں پر ٹیکس بھی بڑھا دیا ہے جس کی وجہ سے پاکستان ٹیلی کمیونیکیشن سروس نے اعلان کیا ہے اب سے انٹر نیٹ کی بھی لوڈ شیڈنگ ہو گی۔

 

ٹیلی کام اور انٹرنیٹ کی سروس فراہم کر نے والی کمپنیوں نے اس بات کا اعلان کرتے ہوئے کہا کہ بڑھتی ہوئی مہنگائی اور بجلی کی عدم دستیابی کی وجہ سے ہمارے پاس بیک بیٹریاں شارٹ ہو گئی ہیں۔

 

 

لوڈ شیڈنگ اور ٹیلی کام سے متعلقہ آلات کی درآمد پر کیش مارجن کی جو شرط رکھی گئی ہے اس نے ہماری درآمدات کو متاثر کیا ہے اس لئے بیک اپ بیٹریز کے شارٹ لسٹ ہونے کی وجہ انٹر نیٹ سروس بھی معطل ہو گی۔

 

پاکستان ٹیلی کام نے پی ٹی اے کو خط لکھ کر آگاہ کیا ہے کہ حالات ہمارے قابو سے باہر ہورہے ہیں۔ بجلی کے بحران کی وجہ سے ٹاور اور دیگر تنصیبات کو بیک اپ کے لئے بجلی کی مسلسل فراہمی اب ممکن نہیں ہے۔

 

 

انٹرنیٹ اور ٹیلی کام سروس کے معیار کو بہتر بنانے کے لئے لائسنس والی شرائط بھی پوری کرنا مشکل ہیں اس لئے اگر ملک میں انٹر نیٹ سروس کا معیار بہتر رکھنا ہے اور لوڈ شیڈنگ پر قابو پایا جائے اور آلات کی درآمد پر جو کیش مارجن لگایا گیا ہے اس کا فیصلہ منسوخ کرکے ہمارے مسئلے کو حل کیا جائے۔