خاتونِ پاکستان نے  ثابت کر دیا کہ ہم کسی سے کم نہیں، بڑا ریکارڈ لگا دیا

پہاڑوں کا سَر کرنے کا سہرا ہمیشہ سے مردوں کے سر سجا ہے۔ آئے روز کوئی نہ کوئی مرد مہم جو پہاڑوں کو فتح کر کے اپنی جیت کا اعلان کرتا ہے ۔ لیکن اب خواتین نے بھی ثابت کردیا کہ یہ میدان صرف مردوں کے لئے نہیں سجا۔ عورتیں بھی اس میں شامل ہو کر اپنی فتح کا اعلان کر سکتی ہیں۔

 

 

اسکردو میں پاکستان کی تاریخ میں پہلی بار ایک خاتون نے کے ٹو کی چوٹی کو سَر کر لیا۔ ذرائع کے مطابق پاکستانی کوہ پیما خاتون کا نام ثمینہ بیگ ہے جنہوں نے یہ کارنامہ سر انجام دیا ہے۔ ثمینہ بیگ نے دنیا کی دوسری بلند ترین چوٹی کو سر کرنے کے ساتھ ساتھ پاکستان کی پہلی خاتون کوہ پیما ہونے کا اعزار بھی حاصل کر لیا ہے۔

 

 

ثمینہ بیگ نے 8 ہزار 6سو11 میٹر کی چوٹی کو سَر کر کے ایک تاریخ بنالی ہے ان سے قبل کسی بھی پاکستانی خاتون کے پاس یہ اعزاز نہیں گیا کہ انھوں نے چوٹی کوسر کیا ہو۔ ثمینہ بیگ کی عمر 31 سال ہے اور انھوں نے 22 جولائی 2022 کی صبح 7 بج کر 45 منٹ پر کے ٹو کی چوٹی پر پاکستانی پرچم لہرایا۔ 7 رکنی پاکستانی مہم جو ٹیم میں واحد خاتون کوہ پیما ثمینہ بیگ موجود تھیں۔

 

 

ان کے ساتھ ساتھ ایک اور پاکستانی خاتون نے بھی اس چوٹی کو سر کیا ہے جو کہ دوسرے نمبر پر آئی ہیں ان کا نام نائلہ کیانی ہے۔ انھوں نے اس چوٹی کو سرباز خان اور سہیل سخی کے ساتھ سَر کیا ۔ ثمینہ بیگ نے 2013 میں 21 سال کی عمر میں دنیا کی پہلی بلند ترین چوٹی ماؤنٹ ایورسٹ کو بھی سر کیا تھا۔

 

 

 

اس اعزاز کو حاصل کرنے والی وہ پہلی مسلم خاتون کوہ پیما بن گئیں۔ 2018 میں ثمینہ بیگ کو اقوام متحدہ نے ترقیاتی پروگرام برائے پاکستان کے لئے خیر سگالی سفیر منتخب کیا تھا۔