ذرائع کے مطابق پاکستان کے عظیم اور پہلا نشان حیدر حاصل کرنے والے فرزند کیپٹن سرور شہید کا یوم شہادت آج منایا جا رہا ہے ۔ کیپٹن راجہ محمد سرور شہید نے ہمت ، جرات و بہادری کا جو مظاہرہ کیا وہ قابل تحسین امر ہے۔
نو منتخب وزیراعلیٰ پرویز الٰہی نے بھی پاکستا ن کے اس بہادر سپوت کو خراج عقیدت پیش کیا ہے ۔ پاک فوج کے شعبہ تعلقات عامہ کی جانب سے کیپٹن محمد سرور شہید نشان حید ر کے آبائی گاؤں سانگھوری گوجر خان راولپنڈی میں یوم شہادت کی تقریب منعقد کی گئی ۔ جس میں آئی ایس پی آر کا کہنا تھا میجر جنرل ممتاز حسن نے کیپٹن محمد سرور شہید کی قبر پر پھولوں کی چادر چڑھائی۔
پاک فوج کے چاق و چوبند دستے کی جانب سے شہید کو گارڈ آف آنر پیش کیا گیا ۔ تقریب میں مختلف شعبوں سے تعلق رکھنے والے افراد کے ساتھ سول و عسکری حکام اور شہداء کے لواحقین نے شرکت کی۔ کیپٹن محمد سرور شہید 10 نومبر 1910 کو پیدا ہوئے اور انھوں نے 27 جولائی 1948کو اُڑی سیکٹر میں دشمن کی ایک خاص پوزیشن پر حملہ کر کے جرات و بہادری کا مظاہرہ کرتے ہوئے جام شہادت نوش کیا۔
ان کی شہادت کا مجاہدین پر ایسا اثر ہوا کہ انھوں نے دشمن کو پسپا کر دیا کہ وہ مورچے چھوڑ کر بھاگ گئے۔ 27 اکتوبر 1959 کو انھیں نشان حیدر سے نوازا گیا۔
