حکومت نے ہفتے کو سرکاری سطح پر چھٹی کا اعلان کر دیا

داتا علی ہجویری کے عرس پر لاہور میں عام تعطیل۔

 

 

لاہور میں حضرت داتا علی ہجویریؒ کا عرس ہر سال صفر المظفر کی 20 تاریخ کو منعقد ہوتا ہے جبکہ حضرت امام حسین کا چہلم بھی اسی دن ہوتا ہے۔ پنجاب میں یہ دونوں تہوار منائے جاتے ہیں ۔ اہل تشیع اس دن مجلس کا اہتمام کرتے ہیں۔

 

 

پنجاب میں داتا علی ہجویریؒ کا میلہ دھوم دھام سے منایا جاتا ہے ۔ اس سال داتا علی ہجویریؒ کا 979 عرس ہے ۔ جس کی وجہ سے لاہور میں عام تعطیل کا اعلان کر دیا گیا ہے ۔ اس حوالے سے اعلامیہ بھی جاری کر دیا گیا ہے جو کہ 17 ستمبر 2022 سے متعلق ہے 17 ستمبر 2022 کو ہفتے کے روز لاہور میں عام تعطیل ہو گی ۔

 

 

حضرت داتا علی ہجویریؒ کے عرس کی تقریبات کا آغاز 15 ستمبر سے ہی شروع ہو جائے گا اور یہ تقریبات 17 ستمبر تک جاری رہیں گی۔ افتتاحی تقریب جمعرات 15 ستمبر دن 11 بجے شروع ہو نگی اور رسم چادر پوشی اور دودھ کی سبیل سے ان تقریبات کا آغاز کیا جائے گا ۔

 

 

اس افتتاحی تقریب کے مہمان خصوصی چوہدری پرویز الٰہی ہونگے ۔ اس دن زائرین کے لئے لنگ اور دیگر تقریبات اور انتظامات کے لئے 1 کروڑ 25 لاکھ کی رقم مختص کی گئی ہے۔

 

 

عرس کے دوسرے روز بھی خصوصی محفل سماع ہو گی اور تینوں رو ز محفل نعت و قرات کا انعقاد کیا جائے گا۔ طاہر بخاری کا کہنا ہے کہ عرس کےد وسرے اور تیسرے روز جامعہ مسجد داتا دربار میں روزانہ کی بنیاد پر 4 علمی محفلیں منعقد کی جائیں گی۔