میچ تو ہار گئے مگر بابر اعظم نے ایک اور بھارتی ریکارڈ برابر کر دیا۔

بابر اعظم نے ایک اور بھارتی ریکارڈ برابر کر دیا۔

 

پاکستان کرکٹ ٹیم کے کپتان کھلاڑی بابر اعظم نے بے شمار ریکارڈ اپنے نام کئے ہیں اور یہ سلسلہ اب تک جاری ہے۔ درمیان میں بابر اعظم کی کارکردگی سے عوام میں مایوسی کی لہر ضرور پھیلی تھی ۔ لیکن بابر اعظم نے ہمت نہیں ہاری۔

 

بابر اعظم اور محمد رضوان نے اپنی شراکت داری کا بھی ایک بڑا ریکارڈ بنا لیا ہے ۔ اب قومی کپتان کھلاڑی نے ٹی ٹوئنٹی میں 27ویں نصف سنچری بنا کر تیز ترین 3000 رنز بنانے کےبعد ویرات کوہلی کا ریکارڈ بھی برابر کر دیا ہے ۔

 

ویرات کوہلی اور بابر اعظم نے 81 اننگز میں یہ سنگ میل بھی عبور کیا ہے ۔ بابر اعظم نے سیریز کے چھٹے ٹی ٹونٹی میچ میں 57 گیندوں پر 87 رنز پر ناقابل شکست اننگز کھیلی ہے۔

 

 

کپتان بابر اعظم نے حالیہ سیریز میں ٹی ٹونٹی فارمیٹ میں دوسرے نمبر پر 8000 تیز ترین رنز اسکور کرنے کا ریکارڈ بھی اپنے نام کر لیا ہے ۔ میچ کے بعد صحافیوں سے بات کر تے ہوئے بابر اعظم نے وضاحت دی کہ قذافی اسٹییڈیم میں اوس گرنے کی وجہ گیند گیلا رہتا ہے ۔

 

 

انگلینڈ نے بھی ہدف کے تعاقب میں پہلے چھ اوورز اچھی بیٹنگ کی تھی۔ بطور ٹیم ہم کھلاڑیوں کا اعتماد کم نہیں کرنا چاہتے بالنگ کے ذریعے دوسری ٹیم پر پریشر ڈالنا زیادہ ضروری ہے۔