عمران خان کو بڑی کامیابی مل گئی، پی ٹی آئی کا جشن

سابق وزیر اعظم پر بنایا گیا توہین عدالت کا کیس ختم۔

 

 

اعتماد ٹی وی! پاکستان کے سابق وزیر اعظم عمران خان کی توہین عدالت سے متعلقہ کیس کی سماعت آج دوپہر اڑھائی بجے ہونا تھی جس پر عمران خان چند منٹ تاخیر سے پہنچے تھے۔

 

 

سماعت شروع ہونے پر عمران خان کے وکیل حامد خان نے کہا کہ ہماری جانب سے بیان حلفی جمع کروا دیا گیا ہے۔

 

 

جس پر چیف جسٹس اطہر من اللہ نے ریمارکس دئیے کہ ہم نے وہ بیان حلفی دیکھا ہے ۔ عدالتی معاون ایڈیشنل اٹارنی جنرل عامر رحمان نے کہا کہ بیان حلفی میں عمران خان نے غیر مشروط معافی نہیں مانگی ہے جس پر عدالت نے کہا آپ اپنی معروضات تحریری شکل میں پیش کر دیں۔ ہم اس کو تفصیلی فیصلے میں شامل کر دیں گے۔

 

 

چیف جسٹس اطہر من اللہ کی سربراہی میں پانچ رکنی لارجر بینچ نے عمران خان کے بیان حلفی سے مطمئین ہونے کے بعد کہا کہ ہم آپ کے کنڈکٹ سے مطمئین ہیں اور آپ نے نیک نیتی سے معافی مانگی باقاعدہ عدالت گئے ۔ اس لئے یہ کیس برخاست کیا جاتا ہے۔