کلیجی کی بو آپ کو بھی آتی ہے تو اس طرح کلیجی بنائے اور مزے اڑائے۔

کلیجی کی بو سے پریشان افراد اس طرح کلیجی بنائیں۔

گوشت زیاد ہ تر انسانوں کی پسندیدہ غذا ہے لیکن اسی گوشت کا ایک حصہ کئی لوگ کھانے سے اجتناب کرتے ہیں وجہ صرف ایک ہی ہے

کہ  اس میں بساند ہوتی ہے جیسے کہ کلیجی  کا سالن بنانا یا پھر بھنی ہوئی کلیجی اور فرائی کلیجی اس میں سے بُو آتی ہے ۔ جو کہ  ختم نہیں ہوتی ۔

اس مشکل کو ختم کرنے کے آسان آج یہاں بتائے جا رہے ہیں۔  سب سے پہلے کوشش کریں کہ کلیجی کو ایک پیس کی شکل میں دھوئیں اور اس کی صفائی کر لیں ۔ اس کے بعد اس کی بوٹیاں بنائیں۔

ا س کو جب آپ ایک پیس کی شکل میں دھوئیں گے تو اس کے اوپر لگی ہوئی جھلی اُتار دیں گے تو اس کے مساموں میں  موجود خو ن صاف ہو جائے گا۔

کلیجی کو دھونے سے قبل لہسن لے کر اس کو چھلکے سمیت کچل لیں اور اس میں کلیجی ڈال کر مل لیں۔  آدھے گھنٹے کے بعد اس کو پیالے میں ڈال کر پانی ڈالیں

تو لہسن کے چھلکے اوپر آجائیں گے وہ ہٹا دیں اور کلیجی الگ کر لیں اس سے اسکی بو ختم ہو جائے گی۔

کلیجی کو دھونے سے قبل ایک بڑے سائز کا لیموں لے کر رس ڈال کر اچھی طرح  مکس کر کے  اس کو آدھا گھنٹہ ایسے ہی چھوڑ دیں اور پھر چھلنی کی مدد سے چھان لیں اس سے بوُ ختم ہو جائے گی۔

کلیجی میں تھوڑا سا پانی اور 3 سے 4 چمچ سفید سرکے کے ڈال دیں اس کو تھوڑی دیر چھوڑنے کے بعد  اچھی طرح سے دھو لیں اس سے بھی اس کی بو ختم ہو جائے گی۔