شوہر نے گردے میں پتھری کا بہانہ بنا کر بیوی کا گردہ ہی بیچ ڈالا۔
بھارتی ریاست اڑیسہ ے گاؤں کوڈومیٹا سے تعلق رکھنے والی خاتون رنجیتا کونڈو نے اپنے شوہر پر یہ الزام عائد کیا ہے
کہ ان کے شوہر پراسنت کونڈو نے چار سال قبل دھوکہ دیا اور ان کا گردہ بیچ دیا تھا۔زنجیتا کونڈو نے بتایا کہ آج کل ان کو پیٹ اور کمر میں غیر معمولی تکلیف تھی ۔
اس وجہ سے وہ ڈاکٹر سے معائنہ کروانے گئی اور ان کو پتہ چلا کہ ان کےجسم میں ایک ہی گردہ ہے۔ خاتون کا کہنا ہے
کہ 2018 میں اس کو گردے کی پتھری کی شکایت ہونے پر اسپتال داخل کیا گیا تھا جس پر اس کے شوہر نے کہا کہ اس کا آپریشن ہو گا تو پتھری نکل جائے گی۔ لیکن اس نے گردہ ہی نکلوا دیا۔
رنجیتا کونڈو نے میڈیا کو بتایا کہ اس وقت ان کو تمام واقعے کے متعلق علم ہی نہیں تھا آپریشن کے لئے ان کو بے ہوشی کا انجکشن دیا گیا تھا ۔
خاتون کا شوہر بنگلادیش سے تعلق رکھتا ہے اور یہاں پر وہ ناجائز طریقے سے آیا ہوا ہے۔ شادی کو بارہ سال ہو چکے ہیں ان کے دو بچے ہیں ۔
دوماہ ہوئے ان کا شوہر کسی اور عورت کے ساتھ بھاگ گیا تھا جس کے بعد وہ اپنی ماں کے ساتھ رہائش پذیر ہیں۔
