طلباء نے امتحان سے بچنے کے لئے جعلی کورونا رپورٹ جمع کروا دیں۔ بُرا انجام بھگتنا پڑ گیا

    تفصیلات کے مطابق بہاؤالدین زکریا یونیورسٹی کے انگریزی ، سیاست اور نفسیات کے شعبوں کے طلباء نے انتظامیہ کو آن لائن امتحان کے لئے مجبور کرنے کے لئے اپنی بوگس COVID-19 ٹیسٹ رپورٹس جمع کروا دیں۔

     

     

    Advertisement

    معاملے کو سنجیدگی سے لیتے ہوئے یونیورسٹی انتظامیہ نے ان رپورٹس کی تصدیق کے لئے ایک کورونا کمیٹی تشکیل دی اور ساتھ ہی ساتھ یونیورسٹی میں سمارٹ لاک ڈاؤن نافذ کروا دیا۔

     

    تصدیق کے لئے قریب درجن بھر رپورٹس کو نشتر ہسپتال اور نجی لیبارٹریوں کو بھجوا دیا گیا۔ جس سے پتہ چلا کہ رپورٹوں جعلی ہیں اور لیبز کے ذریعہ انہیں تیار کروایا گیا ہے۔

    Advertisement

     

    بہاؤالدین زکریا یونیورسٹی (بی زیڈ یو) ملتان کی انتظامیہ نے یونیورسٹی میں خوف و ہراس پھیلانے کے لئے بوگس رپورٹ پیش کرنے والے طلباء کے خلاف کارروائی کا فیصلہ کیا ہے۔

     

    Advertisement

    کمیٹی کی تحقیق کو ہائی ایجوکیشن کمیشن (ایچ ای سی) کو بھجوا دیا گیا ہے۔ دریں اثنا ، انتظامیہ نے طلباء کے والدین کو مشورہ دیا ہے کہ وہ افواہوں پر یقین نہ کریں ۔ یونیورسٹی میں کوئی کورونا وائرس نہیں پھیل رہا ہے۔